Horrelakoa izan da euskal kirolarien jardunaldia uztailaren 29an, astelehena
SURFA
Joan Duruk Tahitin jokatzen ari diren surfeko lehiaketako final-laurdenetan sartu da. Baionako surflariak Alan Cleland Quiñonez gainditu du, hirugarren kanporaketan.
Duruk 18.13ko puntuazioa lortu du, eta bere aurkariak, aldiz, 15.17koa. Final-laurdenak astearte honetan jokatuko dira, 19:00etatik aurrera.
Nadia Erostarbe lehiatzekoa zen emakumezkoen hirugarren erronda, ostera, asteartera atzeratu behar izan dute Tahitiko Teahupo'o hondartzaren "baldintza txarrak" direla eta, Nazioarteko Surf Elkarteak jakinarazitakoaren arabera.
ARRAUNA
Esther Briz Basque Teameko arraunlaria lemazainik gabeko biko finalaurrekoetarako sailkatu da astelehen honetan, Aina Cidekin batera, haien seriean bigarren amaituta, Hedving eta Rasmussen danimarkarren atzetik.
Danimarkako bikotea izan da nagusi 7:34.57ko denborarekin; Briz eta Cid, berriz, bigarren (7:36.98), Britainia Handiko (7:37.11) eta Zeelanda Berriko (7:46.18) bikoteak mendean hartu ostean. Finalaurrekoa asteazkenean jokatuko dute: bigarren txandan lehiatuko dira, lehen kalean. Txile, Litunia, Australia, Irlanda eta Ameriketako Estatu Batuak izango dituzte aurkari. Lehen hiruren artean sailkatu beharko lukete, finalerako txartela eskuratzeko.
ESKUBALOIA
Espainiako selekzioak ezin izan du Suediako defentsa gainditu Pariseko Jokoetako eskubaloiko txapelketa olinpikoaren atariko fasean, eta 29-26 galdu dute.
Kauldi Odriozola hasierako zazpikoan izan da, eta Imanol Garciandiak goletako bat sartu du. Berdintasuna izan da nagusi lehen zatiko denbora gehienean, eta bi taldeetako bat ere ez da nagusitu defentsen sendotasunak erasoek baino gehiago markatu duen lehian.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.