Horrelakoa izan da euskal kirolarien jardunaldia uztailaren 28an, igandea
WATERPOLOA
Espainiak garaipen erosoa lortu du Australiaren aurka, Alberto Munarrizen gidaritzapean. Nafarrak 3 gol egin ditu gaurko partidan.
David Martinek zuzentzen duen taldea joko hauetan dominak lortzeko hautagaien artean dago, eta hasiera oso ona eman dio bere ibilbdeari. Munarrizek berak egin du partidako lehen gola, bere nagusitasuna baliatuz, eta taldearen garaipenari atea zabaldu dio horrela.
FUTBOLA
Espainiako emakumezkoen futbol selekzioa Olinpiar Jokoetako final-laurdenetan dago jada. Alexia Putellasek sartutako gol batek, amaierarako bost minuturen faltan, munduko txapeldunen kanporaketako pasea berretsi du, multzoen faseko partida baten faltan.
Irene Paredes, Lucia Garcia eta Oihane Hernandezen taldearen setioa erabatekoa izan da hasieratik, baina sei minuturen buruan Nigeriako selekzioak Oshoalaren kontraeraso azkar baten bidez abisatu du. Espainiak Nigeria zokoratu du bere eremuan, baina Afrikako Kopako txapeldunek ezustean harrapatu dute defentsan erakutsitako sendotasunarekin.
ESKUBALOIA
Maitane Etxeberriak eta Lysa Tchaptchetek galdu egin dute Espainiako selekzioarekin Angolaren aurka (26-21). Bigarren porrota izan da txapelketa olinpikoan, eta, ondorioz, oso maldan gora jarri da euren biziraupena Jokoetan.
Ambros Martinek zuzendutako taldeak, Brasilen aurkako debutean ere galdu zutenak, oso ahul agertu dira defentsan eta ez dute eraso zuzenik garatu Carlos Vivier espainiarrak zuzentzen duen selekzio afrikarraren aurka.
PIRAGUISMOA
Maialen Chourraut, K1 modalitatean, ur bizietako eslalomeko dominarik gabe geratu da, Parisko 2024ko Olinpiar Jokoetako finalean hamabigarren postuan sailkatu baita.
Chourraut bere bosgarren olinpiar jokoak jokatzen ari da; brontzezko domina lortu zuen Londresen 2012an, urrea Rio de Janeiron 2016an eta zilarra Tokion 2020an. Oraingoan, Vaires-sur-Marne kanalean domina irabazteko aukera guztiak galdu ditu bigarren atean huts egin duenean.
BELAR-HOCKEYA
Espainiak bere lehen garaipena lortu du igande honetan Parisen, Alemania egungo munduko txapeldunari 0-2 irabazita, Jose Maria 'Chefo' Basterrak eta Pepe Cunillek egindako golei esker. Debutean, Britainia Handiaren aurka, Espainiak porrot egin zuen (4-0). Alemaniak, aldiz, Frantzia jipoitu zuen lehen partidan (8-2).
Basterra Getxoko aurrelariak hiru gol egin zizkion Alemaniari (0-3) duela hilabete eskas, ekainaren 6an, Londresen jokatutako Pro Ligako partidan, eta igande honetan norgehiagokako lehen gola egin du. Espainiarrek atzoko porrotaren arantza atera dute, Luis Calzadok atepean egindako lan onari esker.
ARRAUNA
Esther Brizek eta Aina Cidek ez dute zorterik izan, eta azkenak izan dira euren seriean (07:24.09), biko lemazaingabea modalitatean. Ondorioz, astelehenean bigarren aukerari itxaron beharko dio Getxoko bizilagunak, finalerdietarako txartela lortzen saiatzeko.
Lasterketa oso parekatua izan da, eta Jess Morrison eta Annabelle McIntyre australiarrek egin dute denborarik onena (07:16.58).
JUDOA
Ariane Torok agur esan die Parisko Olinpiar Jokoei, Sosorbaram Lkhagvasuren mongoliarraren aurkako konbatea galduta, 52 kilotik beherako kategorian.
Bilbon jaio baina Nafarroan hazitako judoka Jose Toro judoka olinpikoaren (Atlanta, 1996) eta Yolanda Soler Atlantako 1996ko Olinpiar Jokoetan brontzea irabazi zuen judokaren alaba da.
Zure interesekoa izan daiteke
Lucas Herbert garaile, Erresuma Batuko LIV Torneoan; Rahmek 23. amaitu du
Jon Rahmek 23. bukatu du, par azpitik 4 kolperekin. LIV ligan inoiz izan duen emaitzarik txarrena da.
Miren Lazkanok brontzea lortu du Oklahomako Kayak Kroseko Munduko Txapelketan
Donostiako palistak borroka zirraragarria izan du Ricarda Funk alemaniarrarekin, baina epaileek deskalifikatu egin dute Funk. Lazkanok hirugarren postuan amaitu du, urrea irabazi duen Alena Marx suitzarraren eta zilarra eskuratu duen Noemie Fox australiarraren atzetik.
Ukitu goiztiar batek domina lortzeko aukerarik gabe utzi du Miren Lazkano Oklahomako Munduko Txapelketako finalean
Donostiako palistak 11. postuan bukatu du finala, finalerdietan bikain aritu ondoren. Klara Olazabalek, bere aldetik, 29. postuan bukatu du txapelketa.
Beñat Fernandez: “Ametsa Moto GPko txapelduna izatea da”
Beñat Fernadez Moto 3 kategorian arituko da hurrengo denboraldian, Team 109 talde irlandarrarekin. Andoaingo gidariak Red Bull Rookies Cup eta Supersport 300 kategorietan ibili eta gero egingo du salto Munduko Txapelketara. Supersport 300 kategorian, gainera, txapelduna izan zen 2025ean. Efren Vazquez pilotu ohia izango du lagun, oso gertukoa baitu.
Alazne Aurrekoetxea, Europako surf txapelduna
Surflari bizkaitarrak Europako titulua eskuratu du Salinasen (Asturias), SUP olatuen kategorian, final bikain batean nagusituta. Garaipenak sasoi betean dagoela berretsi du, duela aste gutxi Espainiako txapelketa irabazi ondoren.
Chourrautek zazpigarren amaitu du Oklahomako Muduko Txapelketaren kayak finala, eta Echanizek hamargarren
Emakumezkoen K1 finalean, Jessica Fox australiarrak lortu du urrea, Evy Leibfarth estatubatuarrak zilarra eta Kimberley Woods ingelesak brontzea. Gizonezkoen K1 finalean, Jakub Krejci txekiarrak irabazi du, Michal Pasiut poloniarrak zilarra eta Giovanni De Gennaro italiarrak brontzea.
Maialen Chourraut eta Pau Echaniz, Oklahomako Munduko Txapelketako kayak finalera
Chourrautek jaitsiera garbia egin du, penalizaziorik gabe, eta seigarren izan da. Munduko txapelketa batean seigarren finala jokatuko dut lasartearrak. Bestalde, Echaniz zazpigarren izan da finalerdian, eta bere bigarren finala du.
Pou anaiek Alpamayo mendia igo dute, Perun
5.947 metro ditu, eta mendi ospetsua denez, espedizio ugari egiten dira egunero helburu berarekin. Horregatik, Ikerrek eta Enekok igoera gaueko hamaiketan hastea erabaki zuten, beste eskalatzaileak igotzen hasi aurretik.
Miren Lazkano eta Klara Olazabal Basque Teameko piraguistak kanoako finalerdietara pasatu dira Oklahomako Munduko Txapelketan
Alex Segurak eta Oier Diazek agur esan diote lehiari.
LIV Golf azken txanpan sartuko da, eta Rahm txapeldun izan daiteke hirugarren urtez jarraian
Barrikako golflariak, sailkapen nagusian 928,5 punturekin dabil. Garaipena behar du Erresuma Batuko Irekian hirugarren koroa lortzeko, eta, era berean, Bryson DeChambeau estatubatuarra 644,4 punturekin dabil.