14 zortzimilakoak, 190 egunetan
Nirmal 'Nims' Purja mendizaleak ekintza gogoangarria egin berri du: nepaldarrak munduan dauden 14 mendi altuenak (8.000 metrotik gorakoak) 190 egunetan igo egin ditu.
Marka hori egin zuen lehengoa Jerzy Kukuczka izan zen 1987. urtean, baina zazpi urte baino gehiago behar izan zituen mendi guztien tontorrak zapaltzeko.
36 urteko Purjak igo duen azken mendia Shisha Pangma (8.027 metro) izan da. Seven Summit Treks eskalada-agentziako presidente Mingma Sherpak baieztatu duen bezala, "gaur 190 eguneko erronka bete du". Mingma David Sherpa, Galjen Sherpa eta Gesman Tamang lagunekin amaitu du azken igoera hori.
Proyecto Posible 14/7 (14 tontor 7 hilabetetan) proiektu barruan bete du erronka. Helburu nagusiena 750.000 dolar lortzea zen Nepaleko ume behartsuen artean banatzeko, eta, horretarako, apirilaren 23an hasi zuen abentura, Annapurna (8.091 metro) igo zuenean.
Maiatzean, 48 ordutan bakarrik, Everest (8.848 metro), Lhotse (8.516 metro) eta Makalu (8.481 metro) mendietako gainak zapaldu zituen Nirmal "Nims" Purjak.
Hile horretan Dhaulagiri I (8.167 metro) eta Kanchenjunga (8.586) ere igo zituen, eta ekainean Nanga Parbat (8.126 metro), Gasherbrum I (8.080), Gasherbrum II (8.036), Broad Peak (8.051), K2 (8.611), Manaslu (8.163) eta Cho Oyu (8.188).
Nepaleko mendizaleak Hego Koreako Kim Chang-honi kendu dio errekorra. 2013. urtean 7 urte, 10 hilabete eta 6 egun behar izan zituen erronka hori burutzeko.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.