6.752tik aurrerako zenbakia duten Realaren bazkideei egokitu zaie Kopako finalerako sarrera izateko aukera
Honako tarte hauetan zenbakia dutenek lortu dute aukera: 6752-11238 eta 1-3767. Kontuan hartu beharreko zenbakia zozketarako erreferentzia da, ez bazkide-zenbakia.
Athleticen aurkako partidaren amaiera, artxiboko argazkia. Irudia: EFE
Zozketan 6.752tik aurrerako zenbakia duten 25 urte baino gutxiagoko antzinatasuna duten bazkideek izango dute apirilaren 18an Errege Kopako finalerako sarrera eskuratzeko eskubidea, asteazken honetan Realak egindako zozketaren arabera. Hala, 6.752-11.238 eta 1-3.767 tarteetan zenbakia duten bazkideek dute aukera sarrera lortzeko.
Kontuan hartu beharreko zenbakia zozketarako erreferentzia da, ez bazkide-zenbakia.
Talde txuri-urdinak ohar batean azaldu zuenez, 11.238 eskaera aurkeztu ziren, eta 22.134 bazkidek eman zuten izena zozketan parte hartzeko.
25 urte edo gehiagoko antzinatasuna duten bazkideak ez dira zozketan sartu, aurrez bazutelako finalerako sarrera izateko eskubidea.
Anoetako prentsa aretoan egin da zozketa, notarioaren aurrean. Xabi Prieto kapitain txuri urdin ohiak botoi bat sakatu du lehen zenbakia, 6.752 zenbakia, ateratzeko.
Ondoren, bi minutuko itxaronaldiaren ondoren, beste zenbaki bat atera da, 3.767 zenbakia, kasu honetan azken sarituarena. Azken zenbakira iritsita (11.238), eta oraindik sarreren kupoa bete gabe dagoela, kontagailua 1 zenbakira itzuli da. Bazkideren batek sarrera nahi ez badu, hurrengo zenbakiari emango zaio.
Guztira 6.491 bazkide geratu dira Sevillan jokatuko den Kopako final handirako sarrerarik gabe.
Realak sarrera gehiago jasoz gero, saridunen tartea itxi duen zenbakiaren ondoren diren bazkideei bideratuko dira, goranzko joeran.
Sarrerak Espainiako Futbol Federazioaren plataformaren bitartez bakarrik erosi ahalko dira, eta apirileko lehen egunetan jarriko dira salgai. Aurretik, klubak 89 eta 282 euro bitarteko sarrerak nola erosi behar diren azalduko du.
Zure interesekoa izan daiteke
Realak Ainoa Campo fitxatu du, 2029ra arte
Espanyoletik ailegatu da 29 urteko erdilaria talde txuri-urdinera, eta kapitaina zen bertan. “Oso eskertuta nago proiektu anbiziotsu honetan parte hartzeko Realak nigan jarri duen konfiantzagatik”, adierazi du Campok.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Realearen zaleek argazkia egin ahalko dute Errege Koparekin, ekainaren 19tik, 3 edo 6 euro ordainduta
Klub txuri-urdinak GUazen KOPAREKIN erakusketa irekiko du Anoetan, eta bertan garaikurrarekin argazkia ateratzeko aukera izango da. Bisita egin nahi dutenek sarrerak erreserbatu egin beharko dituzte; bazkideek, akziodunek eta RS Fanek 3 euroan eskuratuko dute, eta gainerako zaleek, 6 euroan.
Realak 2026-27 denboraldiaren amaierara arte luzatu du Unax Agoteren kontratua
Ezker hegaleko zizurkildarrak 1.700 minutu baino gehiago jokatu ditu Hypermotion Ligan eta Premier League International Cup txapelketan. Atzelaria 2015ean iritsi zen talde txuri-urdinera.
Sportingek Egoitz Arana fitxatu du
Aranak 11 partida jokatu ditu Bigarren Mailan amaitu berri den denboraldian Realaren bigarren taldearekin, eta aurreko denboraldian Lehen RFEF mailatik Hypermotion Ligara igotzen lagundu zion.
Realak Laura Camino fitxatu du
24 urteko jokalari kantabriarrak Eibarren jokatu du azken hiru denboraldietan.
Nahia Aparicio: “Gure jokatzeko modua erakutsi dugu denboraldi honetan”
Realaren hainbat jokalarik denboraldiaren balantzea egin dute gaur goizean Zubietan, datorren denboraldirako helburuez hitz egiteaz gain.
Realak Atletico mendean hartuta eman dio amaiera denboraldi bikainari (2-0)
Lucia Pardoren eta Cecilia Marcosen golek erabaki dute txapelketako azken jardunaldiko lehia. Emaitza horrekin, talde donostiarrak hiru puntu eskuratu ditu denboraldia bere zaleen aurrean oso sentsazio onekin agurtzeko.
Berdinketa batekin eman dio amaiera denboraldiari Sansek (1-1)
Cultural Leonesak hartu du aurrea markagailuan bigarren zatiaren hasieran, baina ezkerkada bikain batekin berdindu du Arkaitz Mariezkurrenak Ribeiroren gola.
Realak iragarri du Lucia Rodriguezek, Andreia Jacintok, Emma Ramirezek, Claire Lavogezek eta Lucia Pardok ez dutela taldean jarraituko datorren denboraldian
Europako txapelketetan aritzeko sailkapena lortu ondoren, talde txuri-urdinak bost baja iragarri ditu