Reala, Kopako finalaren bila
Realak Errege Kopako finalerako txartela lortu nahi du, gaur, Real Madrilen aurka, Bernabeun jokatuko den finalerdietako itzuliko partidan. Norgehiagoka 21:30ean hasiko da, eta zuzenean emango dute eitb.eus-ek eta ETB1ek. 21:05ean hasita atariko saio berezia izango duzu ikusgai; partida amaitu ostean, protagonisten adierazpenak ere eskainiko dira.
Donostiako taldeak 0 eta 1 galdu zuen Anoetan jokatutako joaneko neurketa. Ondorioz, emaitza irauli beharko du finalean egon nahi badu. Brais Mendez, Arsen Zakharian, Sheraldo Becker eta Alvaro Odriozola dira Realaren bajak Real Madrilen aurkakorako.
Martxoaren 29an EA Sports Ligan zeraman irabazi gabeko hiru partidako bolada txarra eten zuen, Valladoliden aurka garaipena bereganatuta; hortaz, adorez ekingo dio finalerdietako itzuliko lehiari. 2020ko otsailaren 20an Realak Real Madril kanporatu zuen Kopatik, eta covid-19aren pandemia zela eta 2021era atzeratu zen finala irabazi zuen, Athletic menderatuta. Hala, bada, hura errepikatzea du helburu talde txuri-urdinak.
Bestalde, Real Madril joanekoan eskuratutako aldeko 0-1ekoari buelta ematen saiatuko da. Carlo Ancelottik zuzendutako taldean bajan daude Courtois, Carvajal, Militao, Mendy eta Ceballos.
Ustezko hamaikakoak:
Real Madril: Lunin; Fede Valverde, Rüdiger, Alaba, Fran Garcia; Tchouameni, Camavinga, Bellingham; Rodrygo, Vinicius eta Mbappe edo Endrick.
Reala: Remiro; Aramburu, Zubeldia, Aguerd, Aihen; Zubimendi, Marin, Sucic; Kubo, Oyarzabal eta Barrenetxea.
Epailea: Alberola Rojas.
VAR epailea: Daniel Trujillo.
Estadioa: Santiago Bernabeu.
Ordua: 21:30ean.
Zure interesekoa izan daiteke
Berdinketa batekin eman dio amaiera denboraldiari Sansek (1-1)
Cultural Leonesak hartu du aurrea markagailuan bigarren zatiaren hasieran, baina ezkerkada bikain batekin berdindu du Arkaitz Mariezkurrenak Ribeiroren gola.
Realak iragarri du Lucia Rodriguezek, Andreia Jacintok, Emma Ramirezek, Claire Lavogezek eta Lucia Pardok ez dutela taldean jarraituko datorren denboraldian
Europako txapelketetan aritzeko sailkapena lortu ondoren, talde txuri-urdinak bost baja iragarri ditu
Ibai Aguirrek 2031ra arte berritu du Realarekin
19 urteko Mutrikuko jokalariak, denboraldi honetan Sanserekin Bigarren Mailan jokatu duenak, debuta egin du jada lehen taldearekin
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.