Realak nagusitasunez gainditu du Rayo, eta final-laurdenetan izango da (3-1)
Reala Errege Kopako final-laurdenetako zozketan izango da datorren astelehenean, Rayo Vallecano kanporatu ostean (3-1). Take Kubok bikain zuzendu du taldea, eta Oyarzabal, Olasagasti eta Sergio Gomez arduratu dira golak egiteaz.
Realak ondo ekin dio neurketari hurbilketa arriskutsuekin eta korner ugari behartuta. Take Kubo bereziki zorrotz aritu da, batez ere eskuin hegaletik egindako barneraketekin. Rayo ere aurrera begira zelairatu da, kikildu gabe.
Horrela zebilen partida, Aramburuk urrundik egindako jaurtiketa bortitz bati erantzun ederra eman dionean Cardenas Rayoko atezainak, baloia kornerrera bidaliz. Korner erdiraketa horren ostean, baloia ezkerraldetik zebilen Kubori heldu zaio. Japoniarrak area barrurantz egin du maisuki, eta haren erdiraketa Mikel Oyarzabal kapitainak ate barrura sakatu baino ez du egin behar izan (23. minutua).
Hurrengo minutuetan, Kubok arrisku bizia sortzen jarraitu du, asko sufritzea egokitu zaion Pacha Espinoren ezinaren aurrean, baina txuri-urdinek ez dituzte aukera horiek baliatu markagailua areagotzeko. Alabaina, neurketa atsedenaldira horrela iritsiko zela ematen zuenean, donostiarrek baloi bat berreskuratu dute zelai erdian, eta, jokaldi bikain bat antolatu ostean, Olasagastik sekulako gola sartu du, oso urrunetik egindako jaurtiketa batekin, 46. minutuan.
Alabaina, ez da hor bukatu lehenengo zatian; izan ere, epaileak hiru minutuko luzapena adierazi duen arren, Realaren golak luzapen hori handitzea ekarri du, eta, tarte horretan madrildarren gola etorri da, penalti puntutik. Zubeldiak falta argia egin dio Trejori area barruan, eta argentinarrak berak ez du barkatu 11 metroetatik, Remiro gelditzeko zorian egon bada ere.
Bigarren zatian, Kubok bide beretik jarraitu du, geldiezin. Berak antolatutako kontraeraso eder batean, eskuinera zabaldu du baloia Oyarzabalentzat, eta eibartarraren erdiraketa sareetara bidali du Barrenetxeak. Zoritxarrez, epaileak Oyarzabalen jokoz kanpokoa adierazi du, eta gola balio gabe geratu da.
Imanolenek kontrolpean zuten lehia, eta are gehiago aurkaria bat gutxiagorekin geratu denean, Pachak bigarren txartel horia ikusi baitu, Oyarzabali falta gogor bat egin ostean (78. minutua). Hori gutxi ez, eta txuri-urdinek hirugarren gola erdietsi dute falta jaurtiketa horretan. Sergio Gomezek baloi gaiztoa jarri du area barruan, eta Aridane eta Contreras artean ez dute hura aldentzen asmatu, eta, azkenerako, zuzenean ate barruan amaitu du. Horrek zoramena eraman du harmailetara, eta hurrengo kanporaketarako txartela ziurtatu die etxekoei.
Fitxa teknikoa:
3 - Real Sociedad: Remiro; Aramburu, Zubeldia, Aguerd, Aihen; Zubimendi, Olasagasti, Sucic (Brais Méndez, 68. min); Kubo, Oyarzabal (Óskarsson, 82. min) eta Barrenetxea (Sergio Gómez, 68. min).
1 - Rayo Vallecano: Cárdenas; Balliu, Aridane, Lejeune, Espino; Valentín, Pedro Díaz (Unai López, 65. min), Trejo (Isi, 65. min); Álvaro García (Chavarría, 82. min), Nteka (Camello, min. 72. min) eta De Frutos (Embarba, 65. min).
Golak: 1-0, 23. min: Oyarzabal; 2-0, 46. min: Olasagasti; 2-1, 51. min: Trejo (penaltiz); 3-1, 78. min: Sergio Gómez.
Epailea: Francisco José Hernández Maeso. Txartel horiak atera dizkie Zubimendiri (44. min) Realaren partetik eta Lejeuneri (59. min) eta Isiri (82. min) Rayo Vallecanoren partetik. Pacha Espino kaleratu du bi txartel hori erakutsita (17. eta 77. min).
Zure interesekoa izan daiteke
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.
Jon Martin: “Bigarren zatian kostata ibili gara, ezin izan ditugu trantsizioak egin”
Jon Martinek sartu du Gironaren aurkako partidako gola, bere bigarrena eta “jarraitzeko asmoz”. Lehenengo zatian ondor aritu diren arren, “bigarrenean kostata” ibili direla azaldu du lasartearrak.
Realak bana egin du jaitsiera postuetan zen Gironaren aurka, Montilivin (1-1)
Txuri-urdinek aurrea hartu dute markagailuan lehen zatian, Jon Martinen golari esker, baina Kataluniako taldeak berdinketa lortu du atsedenaldiaren ostean, Stuaniren bidez. Girona jaitsiera postuetatik atera da gaurko berdinketari esker.
Pellegrino Matarazzo: “Kosta egin zaigu maila ona berriro hartzea, eta eutsi egin behar diogu"
Talde txuri-urdinaren entrenatzaileak prentsaurrekoa eman du Gironaren aurkako partidaren atarian. Sevillaren aurka gertatutakoarekin ikasi behar dutela azpimarratu du entrenatzaile estatubatuarrak.
Jon Baldari premiazko ebakuntza egin behar izan diote, Kita taldekidearekin izandako kolpearen ondorioz
Esku-ohean atera zuten zelaitik, eta berehala eraman zuten Zaragozako Servet Ospitalera. Bertan, barean ebakuntza egin diote, eta egun batzuk eman beharko ditu ospitalean. Anoetako hegalekoak ez du gehiago jokatuko denboraldi honetan.