Realak Europa Ligako esfortzua ordaindu du (4-0)
Betisek eta Realak Santander Ligako 17. jardunaldiko partida jokatu dute Benito Villamarin futbol-zelaian. Denboraldi bikaina egiten ari diren bi taldek neurtu dituzte indarrak, baina andaluziarrek askoz hobeto jokatu dute eta 3 puntuak etxean geratu dira (4-0).
Ostegunean PSVren aurka Europa Ligan aurrera egitea lortu zuen Realak, baina Imanol Alguacilek aldaketa bakarra egin du hamaikakoan, (Ander Barrenetxea Adnan Januzajen ordez) eta horrek eragin zuzena izan du jokoan; Betisek hamar egin ditu.
Partidako lehen gola Alex Remiroren huts baten ondorioz heldu da. 14. minutuan, txuri-urdinen atezaina areaz kanpora atera da baloia urruntzeko, baina ez du baloia jo, eta Alex Moreok Betisen gola egin du.
Erritmo biziko partida izan da, gora eta behera, aurkariaren atera azkar heltzea izan dute jomuga bi taldeek.
Bigarren zatian, neurketa etxekoek menderatu dute. Alex Morenok erdiraketa bikaina egin du ezker hegaletik, eta Juanmik buruz egin du bigarrena (2-0) 57. minutuan. Andaluziarrek Realak utzitako zuloak aprobetxatu dituzte, eta hirugarren gola Fekirrek egin du 66. minutuan (3-0). 79.ean, Alex Morenok bere bigarren gola egin du, kontraerasoan (4-0).
HAMAIKAKOAK
4 - Betis: Rui Silva; Bellerin, Bartra, Victor Ruiz, Alex Moreno (Miranda, 83. min); Guido Rodríguez (Paul, 83. min), Guardado (William Carvalho, 66. min); Fekir (Tello, 83. min), Canales, Juanmi (Rodri, 87. min) eta William Jose.
0 - Reala: Alex Remiro; Zaldua (Gorosabel, 62. min), Aritz Elustondo, Le Normand, Ahien Muñoz; Portu (Januzaj, 62. min), Zubeldia (Turrientes, 73. min), Zubimendi, Barrenetxea (Navarro, 73. min); Oyarzabal eta Isak (Sorloth, 73. min).
GOLAK
1-0, Alex Morenok, 14. minutuan
2-0, Juamik, 57. minutuan
3-0, Fekirrek, 66. minutuan
4-0, Alex Morenok, 79. minutuan
Zure interesekoa izan daiteke
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.