Bidali Reala zoriontzeko zure bideoak!
Reala zoriondu nahi duzu apirilaren 3an Athleticen aurkako finalean Errege Kopa irabazteagatik eta zure bideoa telebistan ikusi? EITBk ekimen berezia jarri du martxan Realeko zale guztiak Kopako garaipenaz gozatzen jarraitu eta poztasuna taldearekin eta gainerako zaleekin partekatu ahal izateko.
Zure bideoa guri helarazteko, sartu hemen eta jarraitu argibideei. Bideoek, gehienez, 30 segundoko iraupena izan beharko dute, ezin da 14 urtetik beherakorik agertu eta ezin dute mezu iraingarririk izan. Jasotzen ditugun bideo guztiak gure atarian ikusgai izango dira eta ETB2n 22:15ean hasiko den "Geurea bai edo bai, Reala Txapeldun!" saio berezian emitituko dira.
Bideoak bidaltzen dituzten pertsonen artean,Realaren hiru kamiseta zozkatuko ditugu, jokalariek sinatuta, eta beste hamar kamiseta, txuri-urdinen garaipena ospatzeko beren-beregi egindakoak. Hauek eitbdendan ere eros daitezke.
Julian Iantzik aurkeztuta, "Geurea bai edo bai, Reala txapeldun!" bi orduko saioa izango da, eta egunean zehar Zubietan eta Reale Arenan egindako elkarrizketak bilduko ditu; Imanol Alguacil entrenatzailea, Jokin Aperribay presidentea, Roberto Olabe zuzendari teknikoa eta Asier Illarramendi eta Mikel Merino jokalariak agertuko dira bertan. Finala bertatik bertara ikusi zuten kazetarien agurrak eta adierazpenak, pertsona ezagunenak, jokalari ohi historikoenak, omendutako osasun-langileena eta, nola ez, Realeko zaleenak ere bilduko ditu.
Zure interesekoa izan daiteke
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.