Realak Norvegiako liderra hartuko du ostegunean, bolada ezin hobean dagoela
Realak ezin hobeto abiatu du denboraldi hasiera hau, hiru partidatik hiru irabazita, eta, hori dela eta, baikor ekingo dio ostegun honetan Europa Ligaren estreinako jardunaldiari, Norvegiako ligako liderra hartuta Anoetan: Rosenborg. Honakoa irabazi beharreko lehia dute txuri-urdinek, Europako ibilbidea multzoen fasetik harago luzatzeko aukerei indarrez heltzeko.
Donostiako taldea ligako liderra da, Bartzelonarekin batera. Orain arte, Realak sartu ditu gol gehien txapelketa honetan, eta futbol eraginkorra eta, tarteka, erakargarria ari dira egiten.
Alabaina, taldeak baditu itzal batzuk ere, min hartuta baititu jokalari ugari. Lesioen ondorioz, Iñigo Martinez, Raul Navas eta Carlos Martinez defentsak eta Mikel Oyarzabal (orkatila minduta zuela itzuli zen Espainiako 21 urtez azpiko selekzioaren deialditik) ez daude jokatzeko moduan.
Rosenborg, bere aldetik, bere unerik onenean etorriko da Donostiara, oso sendo baitago bere ligako buruan: sei puntuko aldea ateratzen dizkio bigarrenari, bederatzi jardunaldiren faltan. Gainera, oraindik fresko dauka aurreko kanporaketan Ajax indartsua kanporatu izanaren oroitzapena.
Trondheim hiriko taldearen une gozo horretan zerikusi handia dute Bendtner daniarrak eta Adegbenro nigeriarrak.
Bendtnerrek hamar gol sartu ditu ligan, azken zazpi partidetan sei, eta Danimarkako selekzioarekin jokatu du berriro, bere selekzioarekin jokatzeko deirik jaso gabe bi urte eman ostean.
Adegbenro duela hilabete fitxatu zuten (Norvegiako Viking taldean jokatu du aurretik), eta arrakasta handia lortu zuen berehala; izan ere, Ajaxen aurkako kanporaketan hiru gol sartu zituen: Amsterdamen garaipena eman zien gola eta bere taldeak itzuliko partidan egin zituen hiru goletatik bi.
USTEZKO HAMAIKAKOAK
REAL SOCIEDAD: Rulli; Odriozola, Elustondo, Llorente, De La Bella; Zubeldia; Canales, Xabi Prieto, Zurutuza, Vela; eta Agirretxe.
ROSENBORG: Andre Hansen; Hedenstad, Bjoerdal, Skjelvik, Meling; M. Jensen, Lundemo, Konradsen; Vilhjalmsson, Bendtner eta Adegberno.
EPAILEA: Paolo Mazzoleni (ITA).
FUTBOL-ZELAIA: Anoeta.
ORDUA: 21:05 (beIN Sports).
Zure interesekoa izan daiteke
Realeko 405 bazkide gehiagok izango dute aukera Kopako finalean izateko
Klub txuri-urdinak astearte gauean iragarri duenez, eta Espainiako Futbol Federazioko sarrerak saltzeko plataforma kudeatzeaz arduratzen den konpainiak idazpenak esleitzeko egin duen prozesuaren ondorioz, 318 eserleku gehiago sortu dira Cartujako hainbat sektoretan; gainera, erosketa prozesuaren bigarren fasean 87 sarrera sobera gelditu dira.
Jon Gorrotxategi: “Harrobiko jokalari batentzat finalera iristea… ezin duzu amestu ere egin”
Jon Gorrotxategirentzat, Realeko harrobiko jokalariarentzat, bere taldearekin jokatuko duen lehen finala izango da. Txiki-txikitatik Realean hazia, bere ametsa beteko du larunbatean.
Jon Gorrotxategi eta Yangel Herrera Realarekin entrenatu dira berriz ere, eta ematen du finalean egoteko prest izango direla
Realak astearte honetako entrenamenduaren bideo batean erakutsi duen bezala, Mikel Oyarzabalek ere bere taldekideekin lan egin du normaltasunez.
Gipuzkoako hamaika herrik pantaila erraldoiak dituzten zaleendako guneak izanen dituzte larunbat honetan, Kopako finalerako
Gipuzkoako Foru Aldundiak eta udaletxeek zaleendako guneak antolatu dituzte, pantaila erraldoiekin, Realak Atletico Madrilen aurka jokatuko duen finalarekin disfrutatu ahal izateko.
Gonçalo Guedes : “Ibilbide ona egin dugu eta garaipenarekin amaitu behar da”
Atletico Madrilek eta Realak datorren larunbatean La Cartujan jokatuko duten Kopako finalaren atarian, Gonçalo Guedesekin egon gara. Oraingoz "oinak lurrean" dituela eta "lasai" dagoela esan digu. Baina horrek ez dio Kopa Donostiara ekartzeko gogoa kentzen, aurretik partida zaila dutela jakinda ere. (Bideoa gazteleraz)
Javier Alberola izanen da Errege Kopako finalaren epailea, larunbat honetan
Jorge Figueroa egonen da VARean. Alberola 2017-2018 denboralditik da Lehen Mailako epailea, eta 2022tik internazionala da.
Lopez Ufarte: “Reala oso ondo dago; final hau irabaz dezake”
Roberto López Ufarte, Realeko jokalari ohia, 87ko kopako garaipenaren protagonistetako bat da, baita Atleticoren zein Realaren elastikoa jantzi duen jokalaria ere. Berarekin egon gara garaipen hura gogoratzen eta datorren larunbateko Errege Kopako finalari buruz duen ikuspuntua ezagutzen. (Bideoa gazteleraz)
Jai-giro ederra prestatu du Realak Sevillan: musika eta kalejira Cartujaraino
Zaleentzako gune txuri-urdina Sevillako Carlos III.a etorbidean egongo da, eta 11:00etan irekiko dute. Hainbat DJ eta artista izango dira oholtza gainean, besteak beste, Süne, Brigade Loco eta Del Toro.
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.