Realak Ligako inoizko hasiera onena berdindu du, Illarramendi gidari duela
Deportivoren aurka igandean jokatu zuen partida irabazita (2-4), Realak berdindu egin du sekula egin duen Liga txapelketako hasiera onena, hiru garaipen errenkadan pilatuta. Hartara, txuri-urdinak dira Bartzelonaren erritmoari eusteko gai diren bakarrak.
Galiziara egin zuten bigarren bisitaldian (lehendabiziko jardunaldian Celtaren aurka aritu ziren), Eusebio Sacristanek entrenatzen dituenak garaipena errepikatu eta sentsazio ezin hobeak pilatu zituzten, nahiz eta norgehiagokako tarte batean Pepe Melen gizonen erreakzioari bide eman zioten eta 0-2ko markagailua berdintzea lortu zuten, baina azkenerako hauspoak ez zien lagundu.
Talde gipuzkoarraren protagonista nagusiena Asier Illarramendi mutrikuarra izan zen; izan ere, Realaren jokoa zuzen gidatzeaz gain, bi gol erdietsi zituen, eta, horrenbestez, berdindu egin du Liga batean orain arte sekula sartu duen gol kopurua, hau da, bi, hiru jardunaldi besterik bete ez direnean.
Illarramendiren protagonismoa erabatekoa da Realaren joko-eskeman, eta orain golegile gisa agertu da eta 2012/13 denboraldian Real Madrilgo jokalaria zela egindako gol marka parekatu du.
Illarramendi, gaur Zubietan emandako prentsaurrekoan. EiTB
Joan zen denboraldian ere Realeko jokalari onena izan zen mutrikuarra. Harako hartan Ligako onenen artean egon baitzen lapurtutako baloien eta emandako paseen estatistiketan, urte guztian gol bakarra sartu arren.
Guztira sei gol lortu ditu profesional gisa: Realarekin lau, atzoko biak kontuan izanda, eta Real Madrilekin jokatutako lehen denboraldian sartutako biak. Bigarrenean, berriz, ez zuen golik lortu, 29 partidan jardun ostean.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.