Rosenborg, Realaren lehendabiziko oztopoa erronkaz betetako astean
Realak egoera ezin hobean egingo die aurre Anoetako futbol zelaira bata bestearen atzetik bisitan etorriko diren hurrengo bi aurkariei. Bartzelonarekin batera Ligan partida guztiak irabazi eta txapelketaren buru dagoen talde gipuzkoarrak Rosenborgen aurka lehiatu beharko du Europa Ligako multzoen faseko lehen jardunaldian. Norvegiarrak ere nagusi dira bere ligako sailkapenean.
Igandean, berriz, Real Madrilen txanda izango da. Talde zuria denboraldiko lehenengo premiekin helduko da Donostiara, bost puntu besterik ez baititu pilatu orain arte jokatu diren Ligako hiru norgehiagoketan (garaipen bat eta bi berdinketa).
Jokin Aperribay Realeko presidenteak aipatu bi partidak izan ditu mintzagai gaur goizean.
Aperribayren aburuz, helburu behinena Rosenborgi irabaztea izan behar du Europako estreinaldian; alabaina, aitortu du ez dela aurkari "erraza" izango, eta beharrezkotzat jo du guztien parte-hartzea (jokalariena eta zaleena) garaipena lortu ahal izateko.
Europako lehiaketari dagokionez, Realeko presidenteak uste du garrantzitsuena "iparra ez galtzea" dela eta bideaz gozatzea, jakitun izanda gauzak ondo egin daitezkeela "umiltasunez eta gorputz eta arimaz arituz".
Igandeari begira jarrita, Aperribayren iritziz, Reala une gozoan dago, eta "irabazteko aukera ugari ditu".
Korner
Realeko presidenteak Anoeta estadioan bertan dagoen Ernest Lluch kultur etxean egin den Korner-Kultura&Futbol Festibala ekimen berriaren aurkezpenean esku hartu du gaur goizean.
Jaialdi hori datorren otsailaren 19tik 24ra egingo da, eta futbola eta kulturaren mundua uztartzeko asmoa izango du.
Zure interesekoa izan daiteke
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.