Osasunak puntu bat atera du Montilivitik
Osasunak golik gabe (0-0) berdindu du Gironaren aurka Montilivin eta puntu garrantzitsua eskuratu du zelai zail batean. Puntu honekin, talde gorritxoak hiru puntu atzetik mantentzen du Girona. Gainera, beste hiru talderekin berdinduta dago, 48 punturekin. Bosgarren postuan dagoen Kordobarekin, seigarren den Alcorconekin eta zortzigarren den Elxekin berdinduta dago Osasuna sailkapenean. Laugarren sailkatua den Oviedo, puntu bakarrera dute lau talde hauek.
Partidari hasieratik erritmo bizia jarri nahi izan diote bi taldeek. Girona nagusi izan da lehen minutuetan, baina Osasunak hasierako presioa gainditzea lortu du, eta partida parekatu egin da. Gorritxoek 12. minutuan eman dute lehen abisua Berenguerren jaurtiketa batekin. 20. minutuan, ordea, talde nafarreko defentsek atepetik atera dute baloia eta jarraian Nauzet atezainak Gironaren gola eragotzi du. Etxeko taldeak izan ditu norgehiagokako abagune onenak, baina ez du gorritxoen ate aurrean asmatu.
Bigarren zatiaren hasieran Roberto Torres Gironako atezaina ezustean harrapatzekotan izan da, baina gutxigatik ez du lortu. Partidako bigarren 45 minutuetan Gironak izan ditu abagune argienak. Tanok eta David Garciak etxeko taldearen gola eragotzi dute 59. minutuan eta 66.ean Alcalaren errematea oso gutxigatik kanpora joan da.
Norgehiagokako azken txanpan, bi taldeek izan dituzte garaipena lortzeko aukerak. Nauzet atezainak bi aldiz eragotzi du Cristian aurrelariaren gola, 76. eta 77. minutuetan. Amaierarako hiru minutu falta izan direnean, 87. minutuan, Roberto Torresek zutoinera bidai du jaurtiketa Becerra atezainarekin izan duen buruz burukoaren ostean. Amaieran, puntu banaketa Gironaren eta Osasunaren artean.
Fitxa teknikoa:
0. Girona: Becerra; Javi Alamo, Kiko Olivas, Alcala, Lejeune, Clerc; Alcaraz, Eloi (Granell, 57. min), Borja Garcia (Jario, 84. min), Cristian Herrera; eta Mata (Lekic, 57. min).
0. Osasuna: Nauzet; Aitor Buñuel (Javier Flaño, 64. min), Tano, Miguel Flaño, David Garcia, Oier; Manuel Sanchez, Otegui (De las Cuevas, 60. min), Roberto Torres, Alex Berenguer (Maikel, 82. min); eta Urko Vera.
Epailea: Jose Ramon Piñeiro Crespo.
Zure interesekoa izan daiteke
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.
ZUZENEAN: Luis Miguel Ramis Osasunaren entrenatzaile berriaren aurkezpena (18:00etan)
Luis Miguel Ramis, Osasunaren entrenatzaile berria
Entrenatzaileak 2027-2028 denboraldiaren amaierara arte zuzenduko du Nafarroako taldea. Ramis, 55 urtekoa bera, Hypermotion Ligako Burgos CF taldetik iritsi da Osasunara; azken denboraldian, Burgos igoerarako play-offerako sailkatzetik oso gertu gelditu da.
Osasunak jaitsierari aurre egiteko Howden enpresarekin kontratatutako aseguruak polemika piztu du
Talde gorritxoak azpimarratu duenez, horrelako mekanismoak ohikoak dira kirol profesionalean eta, bereziki, futbolean. Talde nafarrak azaldu duenez, 1,2 milioiko estaldura kontratatu zuten, kategoria galduz gero 6 milioiko ordaina bermatzeko.
Josu Dominguezek Osasunaren emakumezkoen taldearen entrenatzaile izateari utziko dio
Talde gorritxoak eta entrenatzaileak euren bideak banandu dituzte hiru denboraldiren ostean.
Raul Garcia de Harok 2031ra arte berritu du kontratua Osasunarekin
Talde gorritxoak eta aurrelariak aurretik hitzartutakoa baino hiru denboraldi gehiago luzatu dute euren arteko lotura, eta klausula berria 40 milioikoa izango da.
Mai Garde Osasunako kirol zuzendariak dimisioa eman du
Iruindarrak hiru denboraldi eman ditu karguan. Bestalde, Osasuna Fundazioak iragarri du datorren denboraldian pixkanaka murriztu egingo duela emakumezkoen sekziora bideratutako diru kopurua.