Eibarrek ezin izan du Albacete mendean hartu (1-1)
Eibarrek bana berdindu du Albaceteren aurka. Lehen zatian sartu dituzte bi golak, penaltiz. Kanpoko taldea aurreratu da eta atsedenaldirako minutu bat falta zela lortu du berdinketa talde armaginak.
Lehen ordu erdian ez da gol aukera argirik egon, bi taldeak ondo ibili dira defentsan eta ez dute abagunerik eman. Hala ere, 29. minutuan, epaileak Eibarren aurkako penaltia eman du. Orduan aurreratu da kanpoko taldea, Maikel Mesa izan da jaurtiketa egiteko arduraduna eta barrura bidali du.
Bazirudien partida mugituagoa izango zela ordutik aurrera eta 5 minutu beranduago, beste aukera bat izan du Albacetek. Dubasinek, Albaceteko jokalari arriskutsuena gaurkoan, baloia langara bidali du txilenaz egindako erremate batekin.
Eibar ez da kikildu eta 39. minutuan izan du gola egiteko aukera garbiena. Blanco Leschukek ondo errematatu du erdiraketa baina baloia gutxigatik kanpora bidali du.
45. minutuan, ordea, Eibarren aldeko penaltia erakutsi du epaileak. Corpasek ez du hutsik egin eta atsedenaldiaren atarian berdinketaren gola lortu du.
Bigarren zatian erasoak eta aukerak biderkatu egin dira. 52. minutan Dubasinek izan du lehenengoa Albaceterentzat baina kanpora bidali du. Albacetek ez du izan beste aukera argirik.
Eibarrek ito egin du Albacete azken minutueatan. Garitanorenak erasora joan dira eta erdiraketaz erdiraketa, aukerak sortuz joan dira. 74. minutuan Stoikov gola egitekotan egon da. Baita Bautista ere, 79. minutuan, jaurtiketa ona izan den arren, atezainak baloia eskuekin hartu du.
Azken minutuak Eibarren erasoko bakarrizketa bat izan dira. Gola sartzea lortu ez duten arren, ondo lehiatu da talde armagina partida amaierara arte.
Fitxa teknikoa:
1 - Eibar: Luca Zidane, Tejero, Berrocal (Arbilla, 57. minutuan), Venancio, Imanol, Sergio Álvarez, Matheus (Aketxe, 46. minutuan), Corpas (Troncho, 72. minutuan), Javi Muñoz, Stoichkov eta Blanco Leschuk (Bautista, 72. minutuan).
1 - Albacete: Bernabé, Álvaro R. Djetei, Boyomo, Julio Alonso, Dubasin (Karim, 87. minutuan), Olaetxea (Sergi Maestre, 72. minutuan), Riki (Fran Álvarez, 72. minutuan), Maikel Mesa (Glauder, 60. minutuan), Manu Fuster (Juan María, 89. minutuan) eta Higinio.
Epailea: José Antonio López Toca. 28. minutuan Matheus Pereirari txarel horia erakutsi dio, hurrengo partida galduko du txartel pilaketagatik. Olaetxea (45. minutuan), Berrocal (48. minutuan), Tejero eta Venancio (50. minutuan), Boyomo (73. minutuan) eta Fuster (79. minutuan) ere zigortu ditu.
Golak: 0-1, 30. Minutuan, Maikel Mesa penaltiz. 1-1, 45+2. minutuan Corpasek penaltiz.
Zure interesekoa izan daiteke
Mireia Masegurrek 2027ra arte berritu du Eibarrekin
Kataluniako atzelariak armaginekin duen lotura luzatu du "kirol-proiektuaren funtsezko pieza" gisa sendotuz.
Arene Altonaga kapitainak Eibar utziko du zortzi urteko ibilbide luzearen eta bi igoeren ostean
Altonaga 2018an iritsi zen talde armaginera, 25 urterekin, eta historia egin du Eibar Lehen Mailara eramanez. Hurrengo denboraldian talde gipuzkoarra berriro jaitsi bazen ere, urtebete geroago berriz ere igo zen.
Eibarrek puntu bat lortu du Sevillaren aurkako partidan
Eibarrek hutsean berdindu du Sevillan, etxetik kanpo puntu bat eskuratuz. Azken jardunaldiaren faltan, armaginek hamahirugarren postuan jarraitzen dute. (Bideoa gazteleraz)
Sara Martinek Eibarrekin duen kontratua luzatu du, 2026-2027 denboraldirako
Aurrelaria 2025ean iritsi zen talde armaginera, Real Madriletik, eta, Eibarreko jokalari gisa eman duen lehen denboraldian, 1.600 minututik gora jokatu ditu.
Zer egin behar du Eibarrek igoerako play-offerako sailkatu ahal izateko?
Beñat San Joseren taldeak, 41. jardunaldian 2-0eko emaitzarekin Kordoba garaitu zuenak, EA Sports Ligara igoerako play-offa jokatzeko aukerak dituela du, baina ez dago soilik bere esku: SkyFi Castalian irabazi beharko du, eta Burgosek El Plantio zelaian Andorraren aurka punturik ez lortzea behar du.
Eibarrek garaipena lortu du Kordobaren aurka, eta dena azken jardunaldian erabakiko da (2-0)
Armaginek ez dute igoera euren esku bakarrik, aurretik dituztelako Castello eta Burgos, bi puntuko aldearekin.
Peru Nolaskoain: “Oso pozik nago, egon nahi dudan lekuan nago”
Peru Nolaskoain Eibarko jokalariak prentsaurrean hitz egin du. Aste honetan, lau denboraldirako luzatu du kontratua armaginekin, eta oso pozik dagoela esan du.
Adela Ricok kontratua berritu du Eibarrekin 2027ra arte
Extremadurako erdilaria joan den udan iritsi zen talde armaginera, Cacereñorekin F Ligara igotzeko zorian izan ondoren.
Peru Nolaskoainek Eibarren jarraituko du 2030era arte
Zumaiako jokalariak 120 partida jokatu ditu armaginen elastikoarekin, 10 gol sartuta.
Ezusteko porrota hartu du Eibarrek Leonen (2-1)
Armaginek bi gol jaso dituzte hiru minututan eta puntuek ihes egin diete maila ia galduta duen Cultural Leonesaren aurka. Corpasek aldea murriztu du, penaltiz, 86. minutuan.