Albiste da:

Velasco Carballo, Athletic-Barça finalaren epailea

Velasco Carballok (1971) 2004. urtean egin zuen debuta Lehen Mailan eta 2008. urtean nazioarteko partidak zuzentzen hasi zen.

Alves eta Rico, artxiboko irudia. Argazkia: EFE

AGENTZIAK | ERREDAKZIOA

2015/05/19 - 19:54

Azken eguneratzea

2015/05/19 - 20:03

Carlos Velasco Carballo madrildarrak egingo ditu epaile-lanak Athleticek eta Bartzelonak hilaren 30ean jokatuko duten Kopako partidan, Camp Noun.

Espainiako Futbol Federazioak (RFEF) astearte honetan eman du erabakiaren berri. Roberto Alonso eta Juan Carlos Yuste izango dira marrazainak eta Carlos Del Cerro Grande eta Raul Cabañero Martinez laugarren eta bosgarren epaileak, hurrenez hurren.

Velasco Carballok (1971) 2004. urtean egin zuen debuta Lehen Mailan eta 2008. urtean nazioarteko partidak zuzentzen hasi zen. FIFAk Brasilgo Munduko Koparako eta 2012ko Kluben arteko Munduko Koparako hautatu zuen.