Athleticek aurpegi bikoitza azaldu du Betisen aurka jasotako porrotean
Athleticek gaizki ekin dio BBVA Ligari. San Mamesen 3-5 galdu du Betisen aurka, eta zalantza ugari sortu ditu taldeak. Lehen zatian, Athleticek irudi kaskarra eman du, eta bigarrean asko hobetu du talde bizkaitarrak.
Betis 0-3 irabazten hasi da. Beñatek bikain jokatu du talde sevillarraren jokoari zentzua emanez. Igorreko mutilak Iturrasperi baloia lapurtu dio seigarren minutuan, pase dotorea eman dio Ruben Castrori, eta Betsieko aurrelariak ez du kale egin Iraizozen aurrean. Bigarren gola 26. minutuan sartu du Pepe Melek zuzentzen duen taldeak. Jorge Molina izan da golegilea. Bost minutu geroago Beñatek sartu du 0-3koa area kanpotik egindako jaurtiketa indartsuari esker.
Partidako 22. minutuan Iturraspe kendu du Bielsak, eta Ruiz de Galarreta zelairatu du. Bigarren zatia hasi baino lehen Aduriz eta Ibai Gomez zelairatu ditu, Herreraren eta Toqueroren ordez. Aldaketen eraginez, asko hobetu du taldeak. De Marcosek aldeak murriztu ditu 48. minutuan. Adurizen pase bikain baten ondorioz etorri da gola. Ondoren, 66. eta 76. minutuetan San Josek partida berdintzea lortu du, buruz bi gol sartuta (3-3).
Athletic gaizki ibili da defentsa lanean partida osoan zehar, eta azken minutuetan horretaz baliatu da Betis. 79. minutuan Pozuelok 3-4koa sartu du, eta Jorge Molinak 3-5ekoa sartu du 86. minutuan. Azkenean, Betisen aldeko 3-5eko emaitzarekin bukatu da partida.
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi behar izan zuen neurketa hasi eta bi minutu eskasera.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.