Zale zuri-gorriek ez dute Llorentek Athleticen jarraitzerik nahi

Inkestako %42ak ez du Fernando Llorente aurrelariak Athleticen jarraitzerik nahi, baina %37ak errioxarra Bilbon gelditzea nahi du. Inkestak iraultze nabarmena izan du Josu Urrutia Athleticeko presidenteak prentsaurrekoa eskaini ondoren.

Talde zuri-gorriko presidenteak prentsaurrekoa eskaini aurretik, inkestatuen gehiengoak Fernando Llorentek San Mamesen jarraitzea nahi zuen. Josu Urrutiaren adierazpenen ostean, inkestak iraultzea izan du, eta gehiengoa Errioxako aurrelaria ez gelditzearen aldekoa da.

Inkestatuen %10ak Llorentek Athleticen, baina diru gutxiagoren truke jarraitzea nahiko luke, eta %11ari berdin dio aurrelariak jarraitu ala ez.