Llorenteren salmenta, buruhaustea Zuzendaritza Batzordearentzat

ETBk aurreratu zuenez, Fernando Llorentek ez du Athleticen jarraitu nahi. Jokalariak erabakia jakitera eman dio Urrutia presidenteari. Orain, zuzendaritza batzordeak jokalaria zein preziotan saldu erabaki beharko du.

Llorentek 36 milioi euroko etete klausula du, baina aurrelari errioxarra fitxatu nahi duten taldeek, ez dute diru kopuru hori ordainduko. Zuzendaritzak kontuz ibili beharra izango du, gainera, zaleek ez baitute barkatuko Llorente edozein preziotan saltzea.

Juventus eta Tottenham dabiltza Fernando Llorente fitxatu nahian. Ingelesek ez dute diruaz hitz egin, baina italiarrak 20 milioi euro ordaintzeko prest daude.