Kike Garciak puntu bat eman dio Alavesi, Mallorcan (1-1)
Alavesek bana egin du Mallorcarekin Son Moixen. Gasteizko taldeak garaipenak behar ditu jaitsierako postuetatik lehenbailehen ihes egiteko, baina gaur bereganatutako puntua ontzat eman dezake, etxetik kanpo eskuratu duela eta partida galtzen hasi dela kontuan hartuta.
'Chacho' Coudeten taldeari hasieratik jarri zaio partida aldapa gora. Mallorca bere bila joan da, presioa goian eginda, baloia ahalik eta azkarren kentzeko asmoz, eta jarrera horrek ezustean harrapatu ditu babazorroak.
Etxeko taldeak 9. minutuan hartu du aurrea markagailuan. Asanok sekulako gola sartu du. Aurrelari japoniarrak area ertzetik egin du jaurtiketa, boleaz, eta baloia txoko-txokotik sartu da Siveraren atean.
Muriqik aldea handitzeko aukera pare bat izan ditu ondorengo minutuetan, baina ez du asmatu.
Alavesek, edonola ere, partidan sartuta jarraitu du, ez du amore eman, eta baloiaren jabetza kendu dio aurkariari. Alabaina, ez du arrisku nahikorik sortu Greifen ate inguruan, Manu Sanchez eta Carlos Martin jaurtiketa bana eginda ahalegindu diren arren.
Atsedenaldiaren ostean gidoia aldatu egin da. Babazorroek indarrean ekin diote bigarren zatiari, eta Jagoba Arrasateren mutilek pauso bat atzera eman dute.
Gasteizko taldea aukerak sortzen hasi da, eta, azkenean, Kike Garciak berdinketaren gola egin du. Mallorcako defentsak ez du baloia ondo alboratu, eta Alavesek aurrelariak hanka luzatu du, baloia bigarren zutoinetik sarera bidaltzeko.
Aurrelariak min hartu du jokaldi horretan, eta aldagelarako bidea hartu behar izan du handik gutxira. Toni Martinez zelairatu da haren ordez.
Golak konfiantza eman dio Alavesi, eta bigarrenaren bila joan da. Mallorca atzean sartu da, baina, ezer gutxi eginda, Siveraren atea ingurura arriskuarekin heltzeko gai izan da.
Horrenbestez, partidaren azken txanpa bizitasun handikoa izan da, eta gola edozein taldek sartu ahal zuela ematen zuen. Azken aukera Carlos Martinek izan du, baina Greifek baloia ondo gelditu du, eta banakoarekin amaitu da neurketa.
FITXA TEKNIKOA:
1- RCD Mallorca: Greif; Maffeo, Valjent, Raíllo, Lato; Mascarell (Morlanes, 73. min), Darder, Dani Rodriguez (Abdon, 88. min); Asano (Samu, 65. min), Muriqi, Navarro (Larin, 73. min).
1- Deportivo Alaves: Sivera; Tenaglia, Abqar, Mouriño, Manu Sánchez (Diarra, 81. min); Blanco, Jordan (Guevara, 81. min); C. Vicente (Garces, 81. min), Aleña, C. Martin; Kike Garcia (Toni Martinez, 71. min).
Golak: 1-0, 9. min, Takuma Asano; 1-1, 68. min, Kike Garcia.
Epailea: Cesar Soto Grado. Txartel horia atera die Carles Aleñari (64. min) eta Santiago Mouriñori (78. min).
Zure interesekoa izan daiteke
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.