Tottenhamek Manchester United menderatu du San Mameseko finalean (1-0), eta Europa Ligako txapelduna da
Tottenham Hotspur taldeak 2024-25 denboraldiko Europa Liga irabazi du, asteazkenean, San Mamesen, txapelketako finalean Manchester United 1-0 mendean hartuta. Brennan Johnsonek sartu du, 42. minutuan, Londreseko taldeari titulua eman dion gola; Manchester United indartsu saiatu da bigarren zatian, berdinketaren golaren bila, baina ezin izan du lortu.
Balio handiko garaipena eskuratu du Tottenhamek. Londreseko taldeak hirugarrenez eskuratu du Europa Liga; izan ere, 1972an eta 1984an ere irabazi zuen, txapelketak UEFA Kopa izena zuela. Horrez gain, Premier Leaguen gaizki aritu bada ere, titulu hau lortuta badauka txartela hurrengo Txapeldunen Ligan lehiatzeko. Guztiz bestelakoa da Manchester Uniteden egoera; Ligan, Tottenham bezala, txarto ibili da, eta ez du nazioarteko txapelketarik jokatuko 2025-26 denboraldian.
Bi taldeak oso parean aritu dira partida hasieran; sendo zebiltzan berdegunean, baina erasoan ezer gutxi ari ziren erakusten. Tottenhamek eta Manchester Unitedek elkar indargabetu dute ia-ia lehen zatiko amaierara arte; hala ere, Londreseko taldeak aurrea hartu du markagailuan, 42. minutuan. Hain zuzen, Pape Sarrek, ezkerretik, erdiraketa bikaina bota du area txikira, oso itxia, eta Brennan Johnson Unitedeko atzelariak baino trebeago ibili da; galestarraren atzean Luke Shaw zegoen, eta baloiak Manchesterreko jokalariaren besoa ukitu du.
Atsedenaldiaren ostean, partidak ildo beretik jarraitu du; biak ala biak indar handiz ari ziren jokatzen, baina zehaztasunik gabe. 68. minutuan, Manchester Unitedek oso gertu izan du banakoa; Vicario, Tottenhamen atezaina bera, gaizki ibili da irteera batean, eta Hojlundek buruz errematatu du, baina, baloia barrura zihoala, Van de Ven atzelariak bikain saihestu du gola. Jokaldi horrek guztiz esnarazi du Manchesterreko taldea; partidako amaierara bitartean, Ruben Amorimen jokalariek asko estutu dute Ange Postecogluk zuzentzen duen taldea.
Bruno Fernandesek, gutxigatik kanpora irten den burukada batean, Garnachok, Vicariok erantzun oso ona eman dion jaurtiketa baten bidez, eta, bereziki, Shawk, 97. minutuan, Tottenhamen atezain italiarrak bikain gelditu duen burukada batean, finala luzapenera eramateko aukera garbiak izan dituzte, baina Tottenham Hotspursek eutsi egin dio, eta 2024-25 denboraldiko Europa Ligako txapelduna da. Jokalariek eta zaleek pozarren jaso dute garaikurra, San Mameseko berdegunean.
Fitxa teknikoa
1 - Tottenham: Vicario; Porro, Cuti Romero, Van de Ven, Udogie (Spence, 90. min); Bentancur, Bissouma, Sarr (Gray, 90. min); Johnson (Danso, 79. min), Richarlison (Son, 67. min) eta Solanke.
0 - Manchester United: Onana; Mazraoui (Dalot, 75. min), Yoro, Maguire, Shaw, Dorgu (Mainoo, 90. min); Casemiro, Mount (Garnacho, 71. min), Fernandes; Amed Diallo eta Hojlund (Zirkzee, 71. min).
Gola: 1-0, 42. min: Brennan Johnson.
Epailea: Felix Zwayer (Alemania). Tottenhameko Van de Ven, Richarlison eta Bissouma, eta Manchester Unitedeko Diallo, Zirkzee eta Mcguire zigortu ditu, txartel horia aterata.
Nabarmentzekoa: 49.224 zale izan dira, San Mamesen.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).