Real Madrilek City menderatu du, emaitza iraulita; Borussia Dortmundek eta PSGk garaipen sendoak lortu dituzte

Borussia Dortmundek Sporting Portugali irabazi zion astearte honetan, 0-3, Txapeldunen Ligako play-offetako kanporaketaren joanekoan, Lisboan, Guirassy, Gross eta Adeyemiren golekin. Itzulikoa otsailaren 19an jokatuko dute, Dortmunden.

Era berean, Paris Saint-Germainek ere final zortzirenetako bidea erraztu zuen, Bresti hiru gol sartu eta gero. Osmane Dembeleren bi golek agerian utzi zuten Luis Enriqueren taldearen nagusitasuna, Frantziako bi taldeen arteko lehian. Parisko hamaikakoak berehala egin zuen bere baloia, eta neurketa menderatu. Denbelek bi gol sartu zituen eta Vitinhak beste bat.

Real Madrilek, bestetik, Manchester City mendean hartzea lortu zuen. Lehen zatian izandako gol-aukerak barkatu zituen Madrilgo taldeak, eta ia amaieran partida galdua zuen arren, Jude Bellinghamen gol batek erabaki zuen joanekoa. Hasieratik abantaila hartzeko hiru parada garbi izan zituzten Ancelottiren gizonek, baina City aurreratu zen, Erling Haalanden eskutik. Bigarren zatian, Kylian Mbappek berdinketa lortu zuen arren, Haalandek beste gol bat sartu zuen penaltiz, bi eta batekoa. Hala eta guztiz ere, hamar minutu baino gutxiago behar izan zituen Real Madrilek aurkako emaitza iraultzeko: Brahim Diaz eta Jude Bellingham izan ziren golegileak. Horrenbestez, garaipen garrantzitsua etxeratu zuen, datorren asteazkenean Santiago Bernabeun jokatuko duten itzulikoari begira.

Astearteko jardunaldia Juventusen eta PSVren arteko lehiak osatu zuen. Italiako taldea izan zen nagusi, 2-1. McKenniek ireki zuen markagailua etxekoen alde, 34. minutuan. Perisicen berdindu zuen ondoren, 56. minutuan. Azkenik, partida amaitzear zela, Samuel Mbangulak berdinketa hautsi zuen, eta final zortzirenak Italiatik hurbilago kokatu zituen.