Real Madril, Tottenham eta Manchester City final-zortzirenetan izango dira
Real Madrilek, Tottenhamek eta Manchester Cityk Txapeldunen Ligako final-zortzirenetarako sailkapena lortu dute astearte honetan. Atletico Madrilek, ordea, zaildu egin ditu txapelketan aurrera egiteko bere aukerak, Turinen galdu ostean (1-0). Aipatutakoez gain, Robert Lewandowski poloniarra izan da eguneko izen nagusiena, Bayern Municheko aurrelariak lau gol sartu baititu Izar Gorriaren zelaian (0-6).
Madrildarrek Paris Saint Germain hartu aurretik lortu dute hurrengo kanporaketa izateko eskubidea, Istanbulgo Ali Sami Yen zelaian Galatasarayren eta Brujasen artean izandako berdinketa (1-1) dela medio.
Gerora, paristarren aurkako partidan, bina berdindu dute. Etxeko taldeak garaipena esku-eskura izan du, Karim Benzema frantziarrak 79. minutuan 2-0koa sartu duenean. Alabaina, frantziarrak neurketa parekatzeko gai izan dira bi minuturen buruan. Ondorioz, Zidaneren taldea A multzoko bigarren postuan igaro da, PSGren atzetik.
Karim Benzema. Argazkia: EFE
Tottenham egungo txapeldunordeari dagokionez, Jose Mourinho entrenatzailea buru zuela, ikara galanta izatetik festan murgiltzera pasatu da (4-2). Youssef El-Arabi marokoarrak eta Ruben Semedo portugaldarrak bi golez aurretik jarri du Olympiakos hogeigarren minuturako. Dele Allik, baina, aldea murriztu du lehen zatiaren luzapenean, eta bigarren aldean, ostera, Tottenham erabat nagusitu da. Harry Kanek bi gol erdietsi ditu (50' eta 77') eta Serge Aurierrek (73 ') lortu du azken 4-2koa. Hartara, B multzoko bigarren postuan bukatu dute londrestarrek.
Astearte honetan sailkapena bereganatu duen hirugarren taldea Guardiolaren City izan da. Shakhtar Donetsken aurka berdindu baino egin ez arren (1-1), puntu hori nahikoa izan dute manchesterrekoek C multzoko lehen postua ziurtatzeko, Dinamo Zagrebek Atalantaren aurka galdu izanak (2-0) mesede egin baitie.
Hutsean amaitu den lehen zatiaren ostean, Ilkay Gundogan alemaniarrak aurretik jarri du talde ingelesa (56'), baina Manor Solomon israeldarrak (69') emaitza orekatu du.
Azkenik, gaueko beste protagonista nagusia Robert Lewandowski poloniarra izan da, Bayernek Izar Gorriaren aurka lortutako garaipenean lau gol sartu baititu (0-6).
Robert Lewandowski. Argazkia: EFE
5. jardunaldiko emaitzak A, B, C eta D multzoetan:
A multzoa
Real Madril 2-2 PSG [Benzema (17' eta 79') | Mbappé (81') eta Sarabia (83')]
Galatasaray 1-1 Brujas [Buyuk (11') | Diatta (92')]
B multzoa
Tottenham 4-2 Olympiakos [Dele Alli (46'), Harry Kane (50' eta 76') eta Aurier (52') | El-Arabi (6') eta Ruben Semedo (19')]
Izar Gorria 0-6 Bayern Munich [Goretzka (14'), Lewandowski (53', penaltiz, 60', 64' eta 68') eta Tolisso (90')]
C multzoa
Atalanta 2-0 Dinamo Zagreb [Muriel, penaltiz (27') eta Papu Gomez (47')]
Manchester City 1-1 Shaktar Donetsk [Gundogan (56') | Solomon (69')]
D multzoa
Lokomotiv Mosku 0-2 Bayer Leverkusen [Zhemaletdinov, bere atean (11') eta Bender (54')]
Juventus 1-0 Atletico Madril [Dybala (47')]
Zure interesekoa izan daiteke
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.