Bartzelonak eta Liverpoolek etxetik kanpo irabazi dute
Bartzelonak Txapeldunen Ligako final-zortzirenetara sailkatzeko bidea erraztu du Slavia Pragaren etxean lortutako garaipenarekin (1-2), eta F multzoko buru da bakarka; alabaina, Ernesto Valverderen taldeak zalantza asko azaldu ditu bere jokoan.
Ostera, egungo txapeldunak ahalmen handia erakutsi du Belgikan, Genkek apenas egin ahal izan baitio aurre. Alex Oxlade-Chamberlainek erakustaldia eman du neurketan zehar bi gol sartuta, horietako bigarrena, aparta. Manek eta Salahek egin dituzte ingelesen beste bi golak (1-4). Hartara, gorriak Napolirekin borrokatu beharko dira E multzoko lehen postua lortzeagatik.
Izan ere, Carlo Ancelottik zuzentzen duen taldeak 2 eta 3 gainditu du Salzburgo, nahiz eta txapelketako orain arteko golegile nagusiak, Erling Braut Haaland norvegiarrak, bi gol sartu dituen gaur ere austriarren mesedetan (sei daramatza dagoeneko hiru jardunalditan). Italiarren aldetik, berriz, Dries Mertens (2) eta Lorenzo Insigne (1) izan dira golegileak.
Valentziak, bere aldetik, aukera bikaina alferrik galdu duH multzoko aurkaririk ahulena izan daitekeenaren aurka, hau da, Lille. Cheryshevek jarri du aurretik Valentziako taldea, baina norgehiagokako luzapenean, valentziarrak dagoeneko jokalari bat gutxiagorekin jokatzen ari zirela (epaileak Diakhaby kanporatu du), zigorra heldu da. 95. minutuan, Ikonek eskuinkada geldiezina bota du, eta, gol horren bidez, Ajaxek eta Chelseak bi puntura aldendu dute sailkapenean Celadesen taldea.
3. jardunaldiko emaitzak E, F, G eta H multzoetan:
E multzoa
Genk 1-4 Liverpool [Odey (88') | Oxlade-Chamberlain (2' eta 57'), Mane (77') eta Salah (87')]
Salzburgo 2-3 Napoli [Haaland (40' eta 72') | Mertens (17' eta 64') eta Insigne (73')]
F multzoa
Inter Milan 2-0 Borussia Dortmund [(Lautaro Martínez (22') eta Candreva (89')]
Slavia Praga 1-2 Bartzelona [Jan Boril (50') | Messi (3') eta Olayinka, bere atean (57')]
G multzoa
Leipzig 2-1 Zenit [Laikmer (49') eta Sabitzer (59') | Rakitskiy (25')]
Benfica 2-1 Lyon [Rafa Silva (4') eta Pizzi (86') | Memphis Depay (70')
H multzoa
Ajax 0-1 Chelsea [Batshuayi (86')]
Lille 1-1 Valentzia [(Ikone (94') | Cheryshev (63')]
Zure interesekoa izan daiteke
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.