ACFF eta AFEk adostasunik gabe jarraitzen dute, baina 'atzo baino gertuago dago'
Primera Iberdrola Ligan azaroaren 16rako eta 17rako aurreikusita dagoen grebak bere horretan jarraitzen du momentuz. Izan ere, ez da akordiorik egon ostegun honetan Emakumezkoen Futboleko Kluben Elkarteak (ACFF) eta Espainiako Futbolarien Elkarteak (AFE), Kirol Kontseilu Nagusiaren bitartekaritzarekin, izan duten bileran.
Alabaina, konponbidea gertu egon daitekeela dirudi, eta hala adierazi du David Aganzo AFEko presidenteak osteguneko bileraren ostean: "Atzo baino gertuago dago", iritzi dio Aganzok.
Egunean zehar bi bilera izan dira. Goizekoa 12:00etan hasi da, eta ia 5 ordu iraun du. Bertan, agerian geratu da Espainiako Federazioak baztertu egiten duela Mediaprok egindako proposamena. Mediaproren eskaintzaren asmoa zen klubek 1,5 milioi euro eskuratzea Federazioak emakumezkoen futbolerako bideratzen dituen funtsetik.
Trukean, Mediaprok astero bi partida emateko eskatzen zuen, GOL kanaletik eskainiko zituenak. Federazioak, ordea, uko egin dio ideia horri, eta bere proposamena aurkeztu du.
Proposamen horren arabera, Federazioak 1.152 milioi euroko poltsa jarriko luke, AFEren eskakizun ekonomiko guztiak bermatuta gera daitezen. Eskakizun horiek honako hauek dira: 16.000 euroko soldata, % 75eko partzialtasunarekin, horrek 12.000 euroko benetako kopurua ekar dezan. Klubek, ordea, % 50eko partzialtasuna besterik ez zuten eskaintzen.
Ordainean, Federazioak akordio bat nahi du Primera Iberdrolako norgehiagoka guztiak etxeko taldeak kontratatuta daukan kasuan kasuko operadoreak eskain ditzan.
Ikus-entzunezko gatazka horren oinarrian Bartzelonak, Athleticek eta CD Taconek euren eskubideak Mediaprori utzi ez izana dago.
Aganzo: "Bat-batean dirua agertu da leku guztietatik"
Bilera horren amaieran, David Aganzok hitz egin du, eta AFEko presidentearen esanetan, emakumezkoen futbolaren lehen hitzarmen kolektiboa "atzo baino gertuago dago", behin greba deituta "dirua agertu delako leku guztietatik", klubek jokalarien eskaerak beren gain har ditzaten.
Aganzok begi onez ikusi du ACFF elkarteak hartutako erabakia, hau da, Federazioaren Elite Programara atxikitzen saiatzea. Horri esker, lehen mailako klub bakoitzak federaziotik eratorritako 500.000 euroko funtsa eskuratu ahal izango du.
Federazioa eta klubak datozen egunetan "ados jartzea" espero du AFEko presidenteak, akordiorako bidean beharrezko urratsak eman daitezen.
Dena dela, alderdi guztiak berriro bilduko dira datorren astelehenean, azaroaren 11n, 18:00etatik aurrera.
Zure interesekoa izan daiteke
Ane Etxezarreta: “Momenturik onena Granadako Erregina Kopako finala izan da"
Ane Etxezarretak futbola utziko duela iragarri du. Beasain, Oiartzun, Reala eta Eibarretik igaro ondoren, bere kirol ibilbidean bizitakoa partekatu du. Hartu duen erabakiaz konbentzituta dago eta momentu onean hartu duela uste du. Bere momenturik zoriontsuena zein den argi du baita ere.
Mirari Uria gipuzkoarra Badalona Women taldean arituko da
Realatik ailegatuko da 23 urteko aurrelaria, 2026-2027 denboraldiari begira Kataluniako taldearen erasoa indartzeko.
2026-2027 denboraldiko Moeve F Ligako derbien egutegia
Honako hauek dira txapelketako 14 derbien datak; lehena, 4. jardunaldian jokatuko dute Eibarrek eta Athleticek, Ipuruan, irailaren 6an.
Alaves-Valentzia, Athletic-Badalona, Eibar-Espanyol eta Reala-Logroño, Liga F Moeveko lehen jardunaldian
Denboraldian jokatuko diren 240 partidak era asimetrikoan jokatuko dira, hau da ez dira bi jardunaldi berdin egongo.
David Gonzalez nafarra, Atletico Madrilen entrenatzaile berria
Tuterako entrenatzaileak ibilbide luzea du nazioartean, baina emakumezkoen futbolean bere aurreneko abentura izango da. Prestatzaile nafarra Boliviako Oriente Petrolero taldetik iritsi da talde madrildarrera.
F Moeve Liga kinielan sartuko da 2026-2027 denboralditik aurrera
Horrela, emakumezkoen Ligak kinielarekin biltzen den diruaren % 15 jasoko du, eta ekarpen ekonomiko handia egingo dio sektoreari.
Bartzelonak zazpigarren F Liga eskuratu du jarraian, Espanyoli irabazita
Pere Romeuk entrenatzen duen taldeak hamaika liga lortu ditu, atzokoari esker.
Arene Altonaga: “Gogorra izan da eta triste gaude, baina behekoek berdin jarraitzen dute eta lasaitasun hori ere badaukagu”
Eibarrek Athleticen aurkako derbia galdu du Ipuruan 0-1eko emaitzarekin. Arene Altonaga Eibarreko kapitainaren hitzetan, iaz bezala azken minutuan galtzeak min egin die. Hala ere, bi aste lasai dauzkate aurretik, eta “ondo etorriko zaigu burua altxatzeko”.
Maite Valero: “Partida ona egin dugu, gure jokoa inposatzen saiatu gara eta uste dut lortu dugula”
Eibarren eta Athleticen arteko derbia jokatu da gaur Ipuruan. Athleticek 0-1 garaitu ditu armaginak, eta hilabete zaila igaro ostean Maite Valerok azaldu duenez, “garaipen honek inpultsoa” ematen die aurrera jarraitzeko eta “azken partidetan dena emateko”.
Agotek azken hasperenean egindako golak garaipena eman dio Athletici Ipuruako derbian (0-1)
Garaipen honi esker, bilbotarrek azken asteetako bolada txarra etetea lortu dute. Armaginek, aldiz, behar-beharrezkoak dituzten puntuak lortu gabe jarraitzen dute.