Reala - Manchester United eta Erroma - Athletic, Europa Ligako final-zortzirenetan
Europa Ligako final-zortzirenetako kanporaketak zozkatu dira gaur: Realak Manchester United izango du aurkari, eta Athleticek Erroma gainditu beharko du aurrera egiteko.
Kanporaketako partidak martxoaren 6an (joanekoa) eta 13an (bueltakoa) izango dira. Reala-Manchester United norgehiagoka 18:45ean jokatuko da, Reale Arenan; Erroma-Athletic partida, berriz, 21:00etan. Ernesto Valverderen taldeak San Mamesen jokatuko du itzuliko neurketa, 18:45ean; eta talde txuri-urdinak, ostera, Old Trafforden, 21:00etan.
Imanol Alguacilen taldeak Manchester United kanporatzen badu, final-laurdenetan (apirilaren 10ean eta 17an), Olympique Lyon edo Errumaniako FCSB taldea izango du aurkari.
Athleticen kasuan, Erroma paretik kenduz gero, talde zuri-gorriak Rangers edo Jose Mourinhoren Fenerbahçe izango du zain hurrengo fasean.
Bi euskal taldeak koadroaren alde berean daude kokatuta, eta balizko finalaurrekoan (maiatzaren 1ean eta 8an) egingo lukete topo elkarrekin.
Europa Ligako finala maiatzaren 21ean izango da, San Mamesen.
Hauek dira final-zortzirenetako kanporaketak:
Bodo Glimt-Olympiakos
Fenerbahçe-Rangers
Ajax-Eintracht Frankfurt
Steaua Bukarest-Lyon
AZ Alkmaar-Tottenham
Reala-Manchester United
Viktoria Pilsen-Lazio
Erroma-Athletic
Zure interesekoa izan daiteke
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Realak Aston Villari irabazi dio Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 zale ingururen aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Zinedine Zidane, Frantziako hautatzaile berria 2030era arte: “Egia bihurtutako ametsa da"
Real Madrileko entrenatzaile ohiak Didier Deschamps lapurtarra ordezkatuko du karguan. Deschampsek 14 urteko ibilbideari amaiera eman zion iragan Munduko Txapelketan.
Rayok ezin izango du Vallecasen jokatu, Madrilgo Gobernuak bere kontzesioa bertan behera utzi ostean
"Segurtasun gabezia larriak" argudiatu ditu Madrilgo Gobernuak. Rayo Vallecano "harrituta" azaldu da Kultura, Turismo eta Kirol Kontseilaritzaren erabakiarekin. Javier Tebas LaLigako presidenteak ziurtatu duenez, Rayok beste futbol-zelai bat du jadanik, baina ez du zehaztu zein. Bestalde, Tebasek ez du zalantzan jarri Madrilgo Gobernuaren erabakia.
Alavesen jokalariak “etsita eta haserre" daude klubaren kudeaketarekin, igoera-saria dela eta
Jokalariek Futpro elkartearen bidez azaldu dute euren jarrera. Gainera, argitu dute oharrarekin ez dutela "liskarrik sortzea" bilatzen, "egoera nola bideratu den ikusita" euren etsipena agertu baizik.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.
Eibarrek Lucas Nuñez fitxatu du
20 urteko erdilaria Valentziatik dator, utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.