Realak lehen garaipena bereganatu nahi du Europa Ligan, eta Athletic bigarrena jarraian lortzen saiatuko da
Realak eta Athleticek ostegun honetan, urriaren 24an, jokatuko dituzte Europa Ligako hirugarren jardunaldiko partidak. Zuri-urdinek lehen garaipena bereganatu nahi dute txapelketa horretan; zuri-gorriek, aldiz, bigarrenez jarraian irabaztea dute helburu.
Ostegun honetako 18:45ean jokatuko du Realak. Donostiako taldeak Macabbi Tel Aviv izango du aurkari, Belgraden. Zuri-urdinek berdindu egin zuten Nizaren kontra lehen jardunaldian, eta porrot egin zuten Anderlechten aurka bigarrenean. Hortaz, Imanol Alguacilek zuzendutako taldeak hiru puntuak behar ditu, sailkapenean aurrera egiteko.
Maccabiren aurkako neurketarako Alex Remiro atezaina eta Igor Zubeldia atzelaria ez dira jokatzeko prest egongo; beraz, zuri-urdinen atepean Unai Marrero egongo da.
Bestalde, Athleticek San Mamesen jokatuko du hirugarren jardunaldiko neurketa Slavia Pragaren kontra, 21.00etan. Bilboko taldeak Erromarekin berdindu zuen lehen jardunaldian eta irabazi egin zion AZ Alkmaarri bigarrenean. Ernesto Valverdek zuzentzen dituen mutilek hiru puntuak lortu nahi dituzte sailkapenaren goialdean kokatzeko.
Slavia Pragaren aurkako lehiarako Oihan Sancet jokatzeko prest egotea espero da, baita Mikel Vesga ere, biak ala biak talde-lanean ibili baitira aste honetako entrenamenduetan.
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Iñaki Williamsek ez du Ghanako selekzioan jarraituko
Williams anaietako zaharrenak 28 partida jokatu ditu Afrikako selekzioarekin, eta bi Munduko Txapelketatan eta Afrika Kopa batean parte hartu du.
Bayernek eta Manchester Unitedek garaipena lortu dute eta Erromak berdinketa Txapeldunen Ligako estreinakoan
Bayern Munichek 5-0 jipoitu du Bodo/Glimt, Manchester Unitedek 4-0 garaitu du Sabah, eta Erromak eta Fenerbahçek 1-1 berdindu dute 2026-27ko Txapeldunen Ligako lehen jardunaldian. Como 1907k garaipen argia lortu du Leipzigen aurka, eta Shakhtarrek puntu bat eskuratu du PSVren zelaian.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Imanol Alguacil, Olympiakoseko entrenatzaile berria
Entrenatzaile gipuzkoarrak talde greziarraren agintea hartu du Jose Luis Mendilibarren irteeraren ostean.
Euskal Herriko Txapela finala, Reala-Athletic, urriaren 2an Anoetan
EITBk zuzenean eskainiko du partida, 19:00etatik aurrera.
PSGk eta Bartzelonak nagusitasunez abiatu dute Txapeldunen Liga
Frantziako taldeak 6-1 irabazi zion Slovan Bratislavari; Hansi Flicken taldeak, ostera, 5-1 menderatu zuen Feyenoord.
Jose Luis Mendilibarrek ez du Olympiakos entrenatzen jarraituko
Talde greziarrak 2024ko otsailean fitxatu zuen Zaldibarko entrenatzailea, eta datorren urteko ekainera arteko kontratua zuen. Imanol Alguacilek hartuko du haren tokia aurrerantzean.