Anderlechtek datozen hiru partidetan bere zaleei ezingo die sarrerarik saldu, Anoetan izandako istiluengatik
UEFAko Apelazio Batzordeak zigorra jarri dio Anderlecht Belgikako taldeari, Europa Ligako partidan (1-2) Realaren zelaian izandako istiluen ostean, datozen hiru partidetan bere zaleei sarrerak saltzea debekatuta.
UEFAk ostiral honetan baieztatu du Diziplina Batzordearen erabakia. Debeku horren arabera, baldintzapean zuen partida bat eta bi partida gehigarri izango ditu Belgikako taldeak Donostian izandako istiluengatik. Halaber, 60.000 euroko isun ekonomikoa jarri diote klubari, objektuak jaurtitzearen, ikusleen arteko istiluen eta estadioan edo instalazioetan eragindako kalteen erantzukizuna egotzita.
Anderlechtek partida bateko zigorra bete zuen, bere jarraitzaileei sarrerarik saldu gabe, 2022ko urrian, Conference Leaguen, West Hamen zelaian izandako antzeko gertakariengatik, eta beste bat baldintzapean zuen bi urteko epean (bete egin beharko du, beraz), diziplina-araudiaren 26. (3) artikuluaren arabera.
Belgikako taldeak, bestalde, 30 eguneko epea izango du Realarekin harremanetan jartzeko bere jarraitzaileek Reale Arena estadioan eragindako kalteak konpontzeko.
Partidaren lehen zatian, Anderlecht taldeko ultrek bisitarien harmailetan jarritako segurtasun hesia hautsi zuten, eta objektuak bota zituzten, eserlekuak tartean, beheko harmailetara.
Bost pertsona atxilotu zituzten agintaritzaren aurkako atentatua, desordena publikoak eta agenteei aurre egitea egotzita.
UEFAren zigorrak ezagutu aurretik, bestalde, klubak atzo iragarri zuen Mauves Army ultra taldeko kideei ez diela etxetik kanpoko partidetara bidaiatzen utziko Donostiako gertakariengatik.
Zure interesekoa izan daiteke
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.