Athletic-Bartzelona eta Celta-Reala, Kopako final-laurdenetako kanporaketak
Athleticek Bartzelona izango du aurkari Errege Kopako final-laurdenetan, eta Realak Celtari egingo dio aurre. Euskal taldeei bi aurkari horiek egokitu zaizkie ostiral honetan, urtarrilaren 19an, Las Rozaseko (Madril) Espainiako Futbol Federazioaren egoitzan egindako zozketan.
Zozketako lehen bola 'Mono' Burgos Atletico Madrileko atezain ohiak atera du, eta Athletic atera da. Jarraian, Julien Escude Sevillako jokalari ohiak Bartzelona atera du; beraz, zuri-gorrien eta blaugranen arteko lehia San Mamesen jokatuko da, urtarrilaren 24an, 21:30ean.
Ondoren, final-laurdenetako bigarren kanporaketa zehaztu da. Burgosek Celtaren izena zuen bola atera du, eta Escudek, segidan, Realaren izena zeukana. Ondorioz, txuri-urdinek etxetik kanpo jokatuko dute kanporaketa, Balaidosen. Neurketa urtarrilaren 23an izango da, 21:30ean.
Horrez gain, Mallorca-Girona eta Atletico Madril-Sevilla izango dira final-laurdenetako beste bi kanporaketak.
Kopako final-laurdenetako kanporaketa guztien datak eta ordutegiak.
Zure interesekoa izan daiteke
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Zinedine Zidane, Frantziaren hautatzaile 2030era arte: “Ametsa bete zait"
Real Madrilen entrenatzaile ohiak Didier Deschamps lapurtarra ordezkatuko du karguan. Deschampsek 14 urteko ibilbideari amaiera eman zion iragan Munduko Txapelketan.
Rayok ezin izango du Vallecasen jokatu, Madrilgo Gobernuak kontzesioa bertan behera utzi baitu
"Segurtasun gabezia larriak" daudela argudiatu du Madrilgo Gobernuak. Rayo Vallecano "harrituta" azaldu da Kultura, Turismo eta Kirol sailaren erabakiarekin. Javier Tebas Ligaren presidenteak adierazi duenez, Rayok beste futbol-zelai bat du erabilgarri, baina ez du zehaztu zein. Bestalde, Tebasek ez du zalantzan jarri Madrilgo Gobernuaren erabakia.
Alavesen jokalariak “etsita eta haserre" daude klubaren kudeaketarekin, igoera-saria dela eta
Jokalariek Futpro elkartearen bidez azaldu dute euren jarrera. Gainera, argitu dute oharrarekin ez dutela "liskarrik sortzea" bilatzen, "egoera nola bideratu den ikusita" euren etsipena agertu baizik.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.
Eibarrek Lucas Nuñez fitxatu du
20 urteko erdilaria Valentziatik dator, utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.