Osasunak jokatuko du Konferentzia Liga, eta Athletic Europatik kanpo geratu da
Osasunak jokatuko du Konferentzia Liga datorren denboraldian, Gironari 2-1 irabazita, eta, ondorioz, Ligako sailkapenean zazpigarren eginda. Athleticek, aldiz, zortzigarren postuarekin konformatu behar izan du, eta Europan jokatzeko txartelik gabe geratu da, Real Madrilekin Santiago Bernabeun berdindu ostean.
Ante Budimirrek egindako bi golek hiru puntuak eman dizkio Osasunari, Sadarren, Gironaren aurka jokatutako partidan (2-1). Ondorioz, nafarrek jokatuko dute Konferentzia Liga datorren denboraldian.
Lehen zatia golik gabe amaitu da, eta nafarrak partidaren bila atera dira atsedenaldiaren ostean. 52. minutuan, Budimirrek Kike Barjaren pase bat jaso ostean, partidako lehenengo gola egin du.
Bigarrena minutu gutxi batzuk geroago egin du Budimirrek berak, baloia buruarekin errematatuz, eta Sadarrek sekulako txalo zaparrada eman dio jokalariari.
Emaitza horri esker, 16 urteren ostean, Osasunak Europan jokatuko du, egindako denboraldi bikaina biribilduta. Arrasateren taldeak ametsari eutsi dio.
Fitxa teknikoa
2 - Osasuna: Aitor Fernandez; Ruben Peña, Aridane, David Garcia (Juan Cruz, 6. min), Manu Sanchez; Lucas Torró, Moncayola (Moi Gomez, 84. min), Aimar Oroz; Kike Barja (Ruben Garcia, 70. min), Budimir (Chimy Avila, 69. min) eta Abde (Pablo Ibañez, 84. min).
1 - Girona: Gazzaniga; Arnau, Bernardo (Couto, 64. min), David Lopez, Miguel (Javi Hernández, 86. min); Tsygankov, Ivan Martin, Oriol Romeu, Herrera (Aleix Garcia, 58. min), Riquelme (Stuani, 59. min); eta Castellanos (Reinier, 64. min).
Golak: 1-0, 52. min: Budimir. 2-0, 55. min: Budimir. 2-1, 75. min: Reinier.
Epailea: Ortiz Arias (Madrilgo Batzordekoa). Txartel horia atera die Osasunako Moncayolari eta Gironako Herrera, Bernardo, Gazzniga eta Coutori.
Athletic, saririk gabe
Athletic Europatik kanpo geratu da, Real Madrilekin bana eginda, Santiago Bernabeu zelaian jokatutako 38. eta azken jardunaldiko partidan. Azkenean, zuri-gorriek zortzigarren amaitu dute Ligako sailkapenean.
Bilbotarrek Europa gertu izan dute partidako zenbait momentutan, baina, azkenean, ametsak ihes egin die.
Aurretik jartzeko aukera paregabea izan du Valverderen taldeak 10. minutuan, epaileak bizkaitarren aldeko penaltia adierazi duenean, baina Courtoisek ederto antzeman dio jaurtiketa Vesgari.
Golak bigarren zatian iritsi dira. Sancetek sartu du lehenengoa, 49. minutuan, De Marcosek lapurtutako baloi bati etekina aterata.
1-. Real Madril: Courtois; Carvajal, Militao, Nacho, Rüdiger; Camavinga (Tchouameni, 58. min), Kroos, Ceballos (Asensio, 58. min; Lucas Vázquez, 92. min); Rodrygo, Benzema (Modric, 74. min) eta Vinicius.
1-. Athletic: Unai Simon; De Marcos, Vivian, Paredes, Yuri; Ander Herrera (Oier, 64. min), Vesga (Vencedor, 67. min); IñaKi Williams, Sancet (Muniain, 77. min), Nico Williams (Berenguer, 64. min); eta Guruzeta (Raul Garcia, 77. min).
Golak: 0-1, 49. min, Sancet; 1-1, 72. min, Benzema (penaltiz).
Epailea: Diaz de Mera. (Gaztela-Mantxako Batzordekoa). Txartel horia atera die Real Madrileko Ceballos eta Carvajal jokalariei, eta Athleticeko Sancet eta Yuriri.
Zure interesekoa izan daiteke
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Ander Herrera bilbotarrak ez du Boca Juniorsen jarraituko
36 urteko erdilaria 2025eko urtarrilean iritsi zen Argentinako klubera, eta merkatu hartan oihartzun handieneko fitxaketetako bat izan zen, baina lesioen eta Buenos Airesko taldearen errendimendu txarraren ondorioz —azken txapelketa 2023an irabazi zuen— Herrerak ez du arrakastarik izan.
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.
Raul Fernandez atezainak Alaves utziko du
Bilbotarra, 38 urtekoa bera, 2025-2026 denboraldian aritu da Gasteizko klubean; bertan, Antonio Siveraren ordezkoa izan da.
Azteca futbol-zelaiak hartuko du estreinakoa, eta Argentinak berriro loria nahi du, baina txapeldungaien zerrenda luzea da
Cristiano Ronaldoren Portugal, Espainia Europako txapelduna, Kylian Mbapperen Frantzia, munduko txapeldunorde Brasil, Alemania eta Ingalaterra daude Leo Messiren Argentinari garaikurra kentzeko hautagai nagusien artean.
