Realak eta Osasunak puntuak nahi dituzte, helburu oso ezberdinetarako
Realak eta Osasunak derbia jokatuko dute 2020-2021eko LaLiga Santanderreko 17. jardunaldian. Donostiarrek jarraipena eman nahi diote asteazkenean Athleticen aurka lortutako garaipenari (0-1). Horri esker, garaipenik gabeko bederatzi partidako bolada txarrari amaiera eman zioten Imanol Alguacilen jokalariek. Realak 29 puntu ditu orain, Atletico Madrilek baino sei gutxiago, baino hiru partida gehiago jokatuta.
Aurrean Osasuna izango dute. Nafarrak krisialdian dira, sailkapeneko jaitsiera postuetan eta urriaren 24tik neurketarik irabazi gabe. Azken partidak berdindu egin dituzte (Elxen aurka 2-2, eta Alavesekin 1-1), baina Jagoba Arrasateren taldeak hiru puntuak behar ditu, egoerari lehenbailehen buelta emateko.
Bajak bi taldeetan
Realean David Silvak eta Luca Sangallik ezingo dute jokatu, eta Illarramendi, Elustondo, Zaldua, Januzak eta Moya ez dira oraindik sendatu. Osasunan, berriz, Oier Sanjurjo eta Ruben Martinez zigortuta daude, eta Chimy Avila eta Lucas Torro jokalariek jokatu gabe jarraituko dute. Ez dago argi Facundo Roncaglia eta Darko Brasanac-ek jokatuko ote duten.
Balizko hamaikakoak
Reala: Remiro; Gorosabel, Zubeldia, Le Normand, Muñoz; Guevara; Guridi, Merino, Portu, Oyarzabal eta William Jose.
Osasuna: S. Herrera; Nacho Vidal, Aridane, David Garcia, Juan Cruz; Roberto Torres, Moncayola, Iñigo Perez, Ruben Garcia; Calleri eta Budimir.
Epailea: Valentin Pizarro Gomez (Madrilgo batzordekoa).
Estadioa: Reale Arena (Igandean, 18:30ean).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Realak Ainoa Campo fitxatu du, 2029ra arte
Espanyoletik ailegatu da 29 urteko erdilaria talde txuri-urdinera, eta kapitaina zen bertan. “Oso eskertuta nago proiektu anbiziotsu honetan parte hartzeko Realak nigan jarri duen konfiantzagatik”, adierazi du Campok.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Mexikok Hegoafrika hartu du mendean, epaileak hiru jokalari egotzi dituen txapelketako lehen neurketan
Mexikarrek 2-0 irabazi diete afrikarrei estreinakoan, Julian Quiñonesen eta Raul Jimenezen golei esker, hasiera-hasieratik amaierara arte nagusi izan diren norgehiagokan.
AEBk betoa jarritako epaile somaliarrak zuzenduko du Europako Superkopa
Omar Abdulkadir Artanek zuzenduko du PSG eta Aston Villaren arteko lehia, Munduko Futbol Txapelketan parte hartzea ukatua izan osetan
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Ander Herrera bilbotarrak ez du Boca Juniorsen jarraituko
36 urteko erdilaria 2025eko urtarrilean iritsi zen Argentinako klubera, eta merkatu hartan oihartzun handieneko fitxaketetako bat izan zen, baina lesioen eta Buenos Airesko taldearen errendimendu txarraren ondorioz —azken txapelketa 2023an irabazi zuen— Herrerak ez du arrakastarik izan.
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.