Osasunak puntua lortu du Alavesen aurka, ia partida osoa hamarrekin jokatu ostean
Osasunak eta Alavesek berdindu egin dute Sadarren (1-1), gorritxoek zortzigarren minututik jokalari bat gutxiagorekin jokatu duten derbian; izan ere, epaileak Ruben Martinez atezain gorritxoa kanporatzea erabaki du Deyverson aurrelari brasildarrari area kanpoan egin dion falta argi baten ostean.
Dena den, etxekoak izan dira lehen gola erdietsi dutenak, Roberto Torresen eskutik, 68. minutuan izan da hori. Gainera, gol horren aurretik, Osasunak aukera garbiak izan ditu markagailuan agintzen jartzeko; alabaina, Pachecoren ateko zutoinen aurka jo du birritan.
Lehendabizi, Budimir kroaziarra izan da goletik gertu egon dena, oraindik ere hamaika hamaikaren aurka ari zirenean; gerora, Ruben Garciaren txanda iritsi da atsedenaldiaren atarian, falta jaurtiketa baten bidez, baina ahalegin bietan Alavesen zutoinekin egin dute topo.
Roberto Torresen golaren ondoren, gasteiztarrek berehala orekatu dute neurketa (75. minutuan), Lucas Perezek huts egin ez duen penaltiaren bidez.
Horrenbestez, puntu banaketa egon da bi taldeen artean. Ondorioz, Osasunak jaitsiera postuetan amaitu du urtea, eta Alavesek, aldiz, sailkapenaren erdialdean.
Fitxa teknikoa
1 – Osasuna: Rubén Martínez; Nacho Vidal, Aridane, David García, Juan Cruz; Roberto Torres (Kike Barja, 90. min), Oier, Moncayola (Javi Martínez, 90. min), Rubén García (Jony, min. 90); Calleri (Gallego, 46. min) eta Budimir (Sergio Herrera, 8. min).
1 – Alaves: Pacheco; Ximo (Tavares, 76. min), Laguardia, Lejeune, Duarte; Edgar (Borja Sainz, 66. min), Tomás Pina (Jota, 76. min), Manu García, Luis Rioja; Deyverson (Lucas Pérez, 46. min) eta Joselu.
Golak: 1-0, Roberto Torres (68. min). 1-1, Lucas Pérez (75. min).
Epailea: Jaime Latre. Txartel horiak: Oier, Calleri eta Sergio Herrera (Osasuna); Pina, Deyverson, Lejeune eta Jota (Alaves). Epaileak Ruben Martinez kanporatu du 8. minutuan, Deyversoni area aurrean falta garbia egin eta gero.
Zure interesekoa izan daiteke
Munduko Txapelketak Athleticen, Realaren eta Osasunaren Liga hasiera atzeratuko du
EA Sports Ligako lehen jardunaldiko partiden erdiak dataz aldatu beharko dira nazioarteko jokalarien atsedena errespetatzeko.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.