Osasuna vs Alaves, balizko aurkari zuzenen arteko lehia
Osasunak eta Alavesek Santander Ligako urteko azken partida jokatuko dute (16:15ean) Sadarren, eta gorritxoak garaipenaren bidera itzultzeko ilusioarekin lehiatuko dira.
Emaitza bolada negargarria bizi du Osasunak, eta, ondorioz, sailkapeneko zuloan murgildu da 12 punturekin (Huescarekin berdinduta).
Jagoba Arrasate Osasunako entrenatzaileak prentsaurrekoan adierazi duenez, gorritxoen eta babazorroen arteko derbiak "garrantzi handia du, gauden momentuagatik eta aurkariarengatik".
Nafarren Ligako azken garaipena urriaren 24an izan zen, Sadarren, Athleticen aurka, gorritxoen mendeurrenaren egunean. Horren ostean, Arrasateren gizonek 6 porrot eta 2 berdinketa lortu dituzte, eta liga hasiera ona eten dute. Izan ere, jokoan izan dituzten azken 24 puntuetatik 2 besterik ez dituzte bildu.
Hala eta guztiz ere, nafarrek euren bertsiorik onena berreskuratu zuten joan zen astean Elxen aurka. Euren entrenatzaileak entrenamendu guztietan eskatzen dien presioa eta abiadura erakutsi zuten jokalariek.
Alavesek, bere aldetik, Eibarren aurkako azken garaipenaren ostean, Huescaren eta Celtaren kontra okertutako ibilbidea zuzendu zuen, sailkapeneko azken postuetara begiratzetik apur bat aldentzeko.
Hala, Pablo Machinek hasierako hamaikakoan egin zituen aldaketek fruituak eman zituzten, eta badirudi jokalari berriak agertuko direla babazorroen taldean Osasunaren zalantzez baliatzeko.
Luzerako lesionatuta dagoen Rodrigo Ely eta Pere Pons baja seguruak dira, eta Rodrigo Battaglia argentinarrak partida bateko zigorra bete beharko du.
Balizko hamaikakoak:
Osasuna: Rubén Martínez; Nacho Vidal, Aridane, David García, Juan Cruz; Roberto Torres, Oier, Moncayola, Rubén García; Calleri eta Budimir.
Deportivo Alavés: Pacheco; Ximo, Lejeune, Laguardia, Duarte edo Javi López; Rioja, Pina, Manu, Peleteiro; Joselu eta Deyverson edo Lucas.
Epailea: Santiago Jaime Latre.
Futbol-zelaia: El Sadar.
Ordua: 16:15.
Zure interesekoa izan daiteke
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek garaipena lortu du Castelloren aurka udako hirugarren lagunartekoan (0-3)
Alaves bolada onean dabil. Gasteizko taldeak udako hirugarren lagunartekoa jokatu du Castelloren aurka, eta 0-3ko emaitzarekin nagusitu da. Lucas Boyek egin ditu lehen bi golak, lehena penaltiz, eta Mariano Diazek sartu du hirugarrena.
Franco Baresi 80ko eta 90eko hamarkadetako Italiako futbolaren mitoa hil da
Erdiko atzelariak Europako 3 Kopa eta Italiako 6 Liga irabazi zituen AC Milanekin, eta 1982an munduko txapeldun izan zen, Espainian jokatutako Munduko Txapelketan.
UEFA, Infantinok Munduko Txapelketa pribatizatzeko dituen asmoei aurka egiteko prest
Europako futbol erakunde nagusiak eta bere 55 federazioek iragarri dute ez dutela FIFAren lehiaketetan parte hartuko. "Munduko Kopa ez dago salgai, ezin da inbertsio produktutzat hartu", adierazi du UEFAk FIFAren asmoei buruz.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Sarah Brasero ingelesak Alavesen erasoa sendotuko du
23 urtez azpiko Ingalaterrako selekzioarekin jokatutakoa, West Ham taldetik iritsi da Gasteizera. Ipswich Town taldean hezia, Braserok Espainiako eta Portugaleko nazionalitatea ere badu.