Alaves, irabazle Eibarren aurkako derbian
Alavesek garaipena lortu du Eibarren aurka (2-1) Mendizorrotzan jokatu duen Santander Ligako 15. jardunaldiko partida. Arabako taldeak 17 puntu ditu eta jaitsiera postuetatik aldendu da; armaginak, aldiz, 15 punturekin geratzen dira, jaitsieratik puntu bakarrera.
Eibar izan da nagusi lehen ordu laurdenean eta gola sartu du laugarren minutuan; Pedro Leonek kornerra atera eta baloia sare barrura joan da Pacheco atezainarengan jo ostean (0-1). Baloiaren jabe izan da talde armagina eta abagune argiak izan ditu. Neurketako 16. minutuan Kike Garciak alferrik galdu du Eibarrentzat bigarren gola sartzeko aukera, Pachecoren aurrean jaurtiketa kanpora bidalita. Bost minutu beranduago, Inui area barruan sartu da, eta japoniarrak ez du jokaldia ondo amaitu. Alavesen erantzuna 28. minutuan etorri da Deyversonek egin duen jaurtiketarekin. Eibarrek bigarren gola sartzea izan du helburu, eta lortzetik gertu egon da, baina Pachecok erantzun bikaina eman dio Inuiren jaurtiketari.
Gehiegi barkatu du talde armaginak aurkariaren ate aurrean, eta Alavesek partida berdindu du 40. minutuan; Machinek zuzentzen duen taldeak kontraeraso ona antolatu du, eta Edgar Mendezek bat eta batekoa jarri du markagailuan (1-1) Luis Riojaren pase ona jaso eta Dmitrovic atezaina gainditu ostean.
Bazirudien norgehiagoka berdinduta helduko zela atsedenaldira, baina lehen zatiaren luzapenean Deyversonek 2-1ekoa sartu du, area barruan baloia jaso eta errematea sare barrura bidalita.
Bigarren zatiaren hasieran Alaves izan da nagusi, nahiz eta bi taldeei asko kosta zaien abagune argiak sortzea. Eibarrek izan duen gol aukera bakarrenetarikoan, Kike Garciaren errematea Pachecok gelditu du. Ondoren, Joseluk izan du abagunea Alavesentzat, baina ez du aterik aurkitu. Talde gasteiztarreko aurrelariak zutoinera bota du jaurtiketa 78. minutuan, eta Luis Riojak alferrik galdu du partida erabakita utzi ahal izan duen aukera; Alaveseko jokalaria arean sartu da, Dmitrovic atezaina atzean utzi du, jokaldia gehiegi loratu nahi izan du, eta Eibarreko defentsek baloia lapurtu diote. Bryan Gilen jaurtiketa Pacheco atezainak gelditu du 86. minutuan, eta, lau minutu beranduago Joseluk gora jaurti du Dmitrovic atezainaren aurrean bakarrik geratu ostean.
Fitxa teknikoa:
2 – Alaves: Pacheco; Ximo Navarro, Laguardia, Lejeune, Duarte (Jota Peleteiro, 94.min); Edgar Mendez (Martin Aguirregabiria, 73. min), Battaglia (Manu, 73. min), Pina, Luis Rioja (Adrian Marin, 89. min); Joselu eta Deyverson.
1 – Eibar: Dmitrovic; Alejandro Pozo, Esteban Burgos (Quique, 84. min), Bigas, Arbilla; Sergio Alvarez (Pape Diop, 46. min), Edu Exposito (Unai Arieta, 77. min); Pedro Leon (Kevin Rodrigues, 46. min), Takashi Inui (Recio, 60. min), Bryan Gil; eta Kike Garcia.
Golak: 0-1, 4. min. Pedro Leon; 1-1, 41. min. Edgar Mendez; 2-1, 47. min. Deyverson
Epailea: Del Cerro Grande. Txartel horiak atera dizkie Edgar Mendez (38. min), Battaglia (56. min), Tomas Pina (62. min) eta Laguardia (89. min) Alaveseko jokalariei, baita Bryan Gil (81. min) eta Unai Arieta (88. min) Eibar taldeko futbolariei.
Zure interesekoa izan daiteke
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Athleticek dotore ekin dio Ligari, Badalona garaituta (3-1)
Athletic 3-1 nagusitu da igande honetan Badalonaren aurka Lezaman jokatu den F Moeve Ligako lehen jardunaldiko partidan. Victor Marin bikain estreinatu da zuri-gorrien aulkian. Pinedok, Azkonak eta Amezketak egin dituzte etxekoen golak.
Hector Fortek 2031ra arte sinatu du Realarekin
Bartzelonak beretzat gorde ditu berrerosteko aukera eta, etorkizunean jokalaria salduz gero, irabazien ehuneko bat jasotzeko eskubidea.
Gorrotxategi: “Ligan partida bat lasai irabaztea gutxitan gertatzen da"
Realeko jokalaria pozik azaldu da Espanyolen aurka lortutako garaipenagatik (2-1), EA Sports Ligako 3. jardunaldiko partidan. Garaipenak txapelketako lehen puntuak eman dizkio Realari.
Realaren egutegia, Europa Ligan
Talde txuri-urdinak AFC Bournemouthen aurka egingo du debuta Anoetan, irailaren 17an, 21:00etan; liga fasea ixteko azken partida, berriz, Juventusen aurka jokatuko du etxetik kanpo, urtarrilaren 28an, 21:00etan.
Realak garaipena lortu du Espanyolen aurka (2-1)
Barrenetxea eta Oskarssonen golek denboraldiko lehen garaipena eman diete txuri-urdinei une oro kontrolpean izan duten partidan.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Logroñok Realaren zalantzak zigortu ditu Zubietan (0-2)
Aste zaila da Realarentzat. Askeazkenean 5-2 galdu zuen Londresen Chesearen aurka, ostegunean Arturo Ruiz entrenatzaileak bere kargua utzi zuen eta gaur goizean 0-2 galdu du Logroño United taldearen aurka F Ligako debutean, Zubietan. Errioxarren golegileak Mawete eta Cris izan dira, bigarren zatian.
Terzicek ez du “distrakziorik" nahi jokalariek klubarekin duten gatazkagatik
Edin Terzic Athleticeko entrenatzaileak azpimarratu du ez duela "zelaian distrakziorik" nahi Celtaren aurka, bere futbolariek klubeko agintariekin duten gatazkaren ondorioz, osteguneko Bartzelonaren aurkako partidaren ondoren jakin zena.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.