Faith Kipyegonek 1.500 metroko probako munduko errekorra hautsi du

Faith Kipyegon kenyarrak 1.500 metroko munduko errekor berria ezarri du igande honetan Parisen, 3:49.04ko denbora eginda.

Kipyegonek 7 ehunen hobetu du 2023ko ekainaren 2an berak jarri zuen marka (3:49.11). Gainera, iaz Budapesteko Munduko Txapelketan bezala, 1.500 metroko proba ez ezik 5.000 metrokoa ere irabazten saiatuko dela baieztatu du.

Kirolaria ezin izan da marka horietara hurbildu denboraldi honetan, giharretako arazo batzuen ondorioz, eta ekainean Kenyako hautaketa probetan bakarrik parte hartu ahal izan du.

Kipyegonek 19 egun barru hasiko diren Parisko Olinpìar Jokoetan ere hartuko du parte.