Bezperan galdutakoa berreskuratu du Urdaibaik, Boiroko Bandera irabazita
Urdaibaik irabazi du igande honetan jokatu den Eusko Label Ligako Boiroko Bandera (Galizia), Donostiarra izan da bigarrena eta Zierbena hirugarrena. Larunbatean, Zierbena nagusitu zen Ribeiran, eta gaur bermeotarrek kolpea itzuli diote, indar erakustaldia eginda; izan ere, kalerik okerrena egokitu zaio Bou Bizkaiari, eta atzetik aurrera egin behar izan du bandera bereganatzeko.
Lehendabiziko txandan, Hondarribia, San Pedro, Bueu eta Kaiku atera dira. Hondarribia hasieratik nabarmendu da, eta Kaiku trabatuta geratu da bigarren ziabogan. Maniobra oso txarra egin dute bizkaitarrek, eta denbora asko galdu dute. Hor amaitu da estropada Kaikurentzat, minututik gorako galera izan baitu.
Hondarribiak lan bikaina egin du, eta 20 minutu eta 16 segundoko denborarekin bukatu du estropada. San Pedro izan da bigarrena (+30), Bueu hirugarrena (+39) eta Kaiku azkena (+1:18).
Bigarren txandan, Ondarroa, Getaria, Lekittarra eta Cabo aritu dira. Ondarroa berehala jarri da buruan, eta palakadak eman ahala, abantaila nahikoa hartu dute, helmugan aise nagusitzeko (20:38). Alabaina, ez dira gai izan Hondarribiak lehen txandan egindako denbora (20:16) hobetzeko. Cabo izan da bigarrena (+7), eta ondoren sartu dira Lekittarra (+11) eta Getaria (+15).
Ohorezko txandan, Orio, Donostiarra, Zierbena eta Urdaibai Hondarribiak ezarritako denbora hobetzeko helburuarekin atera dira. Lehendabiziko ziabogaren ostean, Donostiarra jarri da aurrean; 2 segundora zihoazen Zierbena eta Urdaibai, eta laura Orio. Hirugarren luzean, baina, Urdaibaik aurrera egin du, eta azken ziabogan Donostiarra harrapatu du eta 6 segundoko aldea atera dio Zierbenari.
Azken luzea emozio handikoa izan da. Urdaibai eta Donostiarraren artean egon da bandera, eta bermeotarrak nagusitu dira azkenean, 20 minutu eta 7 segundoko denborarekin. Bou Bizkaiak 3 segundoko aldea atera dio Donostiarrari, 8 segundokoa Zierbenari eta 10 segundokoa Oriori.
Gauzak horrela, Urdaibaik bereganatu du Boiroko Bandera, Donostiarra izan da bigarrena eta Zierbena hirugarrena. Hondarribiak laugarren tokian amaitu du, eta, ondorioz, hurrengo jardunaldian ohorezko txandan lehiatuko da.
Eusko Label Ligako sailkapen nagusiari dagokionez, Urdaibaik sendo eusten dio lidertzari, eta zuloan sartuta segitzen du Bueuk.
Zure interesekoa izan daiteke
Bederatzi bermeotar, ‘Bou Bizkaia' traineruan
Horietako bat Aitor Gondra patroia da. Gainera, Oier Guenak eta Asier Ruiz de Alegriak denboraldi honetan egin dute debuta gorenean. Argi dute kupoen baldintzak mesede egin diela. Orain arte Bilbo, Castro eta Getxoko banderak astindu dituzte.
Bermeoren azken metroak Getxoko Ikurrinan
Ikusi berriro nolakoak izan diren Euskotren Ligako Getxoko Ikurrinaren azken metroak. Bermeok astindu du bandera.
Jon Salsamendi: “Gaur Bermeo ez da talderik onena izan”
Urdaibako entrenatzailea bere taldearen garaipenarekin pozik agertu da, baina ez du uste Getxoko estropadan arraun egiten onenak izan direnik. Larunbatean itsasoak kendu ziena, baina, bueltan eman die igandean.
Urdaibai kanporatu egin dute, bigarren ziabogako baliza istriborrean uzteagatik
Asier Zurinagak gidatzen duen ontzia deskalifikatu egin dute XVIII. Fabrika Banderan, bigarren ziabogako baliza istriborrean uzteagatik.
Mikel Ojeda, Urdaibaiko arraunlaria: “Zorionez, tosta ondo jartzea lortu nuen, une oso gogorrak izan ziren"
Castroko estropadan bere tosta konpondu behar izan zuen arraunlariak. Aitortu du "urduritasun maila handiko" momentuak izan zirela, baita "ardura handikoak" ere.
Bermeoren estropada Caixabank Banderan, minikamaratik ikusita
Bizkaiako ontziak Euskotren Ligako laugarren jardunaldian Bermeok irabazitako estropada, minikameratik ikusita
Jon Salsamendi: “Merezitako opari bezala hartzen dugu larunbateko garaipena”
Jon Salsamendi Bermeo Urdaibaiko entrenatzailea elkarrizketatu dugu Bilboko bandera irabazi berritan. Garaipena “opari bezala” hartu dute, baina iparra galdu gabe “ohorezko txandan egonkortzea eta banderen lehian sartzea” baitute helburu.
Bermeoren azken metroak Bilboko Banderan
Bilboko Banderaren ezusteko irabazleen azken paladak, minikameratik ikusita.
Asier Zurinaga: “Gaurkoa ikusgarria izan da"
Bermeoko patroia pozarren agertu da eta bere amari eskaini dio Bou Bizkaiak ezustean lortutako garaipena. Bizkaitarrek lau segundo atera dizkiete Orioko faborito nagusiei.
Zurinaga, estatxarekin gertatutakoari buruz: “Zorionez, anekdota batean geratuko da"
Urdaibaiko patroiak onartu du "akats larria eta barkaezina" izan zela, igandean estatxarik hartu gabe irteteagatik 10 segundoko zigorra ezarri baitzieten bermeotarrei. "Pentsa garaipena lortu izan balitz, ezin izango genuen bandera astindu, benetako drama", gaineratu du.