Pilota

Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.

Aitor Elordi eta Jon Mariezkurrena pozarren agertu dira CaixaBank Mastersa irabazita. Joseba Ezkurdia eta Jon Ander Albisu garaitu dituzte Nafarroa Arenako finalean (16-22). Onenak izan dira txapelketa honetan, eta maila ikusgarria erakutsi dute udako jaialdietan. 

Txapelketako final handian, Nafarroa Arenan, igandean, Aitor Elordik eta Jon Mariezkurrenak 16-22 garaitu dituzte Joseba Ezkurdia eta Jon Ander Albisu, oso partida lehiatuan. Elordik aurreneko aldiz jantzi du CaixaBank Masterseko txapela, eta Mariezkurrena II.ak lau ditu jada.

Nafarrak Endika Barrenetxea tanto bakar batengatik garaitu zuen larunbatean Galarretan jokatutako final handian (30-29).

Finalean, larunbatean, Zallan, Jaka eta Eskuza garaitu dituzte, 18-22. Etxeberria eta Landa merezita gailendu dira, baina sufritu egin behar izan dute.

Uitzikoak lehen aldiz jantzi du txapela Buruz Burukoan. Finala 29-29 zegoela, tanto erabakigarrian, azken sakean, Barrenetxea IV.ak falta egin du.

Honako hauek dira: Barandika-Basque, Erkiaga-Salegi, Johan-Ibarluzea, Goixerri-Lekerika, Laduche-Manci, Olharan-Gorka, Goitia-Oyhenard eta Urreisti-Atain. Ostegunean, hilaren 8an, iragarriko dituzte zein multzotan arituko den bikote bakoitza, eta urriaren 26an hasiko da txapelketa.

Nafarroa Arenan ostiralean jokatutako finalerdietako partidetan, Elordik eta Mariezkurrena II.ak 13-22 garaitu dituzte Artola eta Rezusta, eta Ezkurdiak eta Albisuk Zabala eta Iztueta menderatu dituzte, 22-13. Finala igandean izango da, Nafarroa Arenan bertan. 

Euskal Pilota Federakuntzak Argentinan eta Uruguain hilaren 15etik 24ra bitartean jokatuko den Munduko Pilota Txapelketara joango diren pilotariak aurkeztu ditu Gasteizen. Jose Mari Mitxelena presidenteak pilotarien aurkezpenean ohartarazi duenez, "ematen du euskaldunak garelako irabazita dugula, eta ez da horrela".

Atzelari ataundarrak 16 denboraldi daramatza esku pilotaren maila gorenean, eta ibilbide horretan Binakako Txapelketako hiru final jokatu ditu. Bi aldiz txapeldunorde geratu ondoren, denboraldi honetan txapela jantzi du.

Larunbat arratsaldean jokatuko da finala. Lau pilotariek torneoko pilota onenak direla esan dute material aukeraketan. Bikote biek final lehiatua izango dela uste dute, nahiz eta kinielek Peio Etxeberria eta Landa jotzen dituzten faborito.

Xabier Azpirozek eta Endika Barrenetxeak elkarren indarrak neurtuko dituzte larunbat arratsaldean, Galarretan. Biek materiala hautatu dute gaur. Azpirozi biziegia iruditu zaizkio pilotak, baina ez dio aparteko garrantzirik eman. Oriamendik antolatutako azken final handia da. Azpirozen buruz buruko lehen finala izango da; Barrenetxeak, berriz, zazpigarrena du.

"Neke pixka batekin, baina oso pozik" azaldu da Ihart Arakistain sopeloztarra. Atseden hartzea kosta egin zaiola onartu du Xabi Barandika gernikarrak, baina "poz-pozik" dagoela erantsi du. "Azkenaldian jokatutako partidarik onena izan zen", azpimarratu du Ihartek. Maiak bigarren Urrezko Gerrikoa jarraian eskuratu du, eta Barandikak, hirugarrena.

Hiru asteko geldialdiaren ondoren, Mastersaren azken txanpa jokatuko da. Ostiralean urriaren 4ko finalera sailkatzeko lehiatuko diren lau bikoteek materiala baztertu dute. Jaialdia 21:00etan hasiko da eta lehenengo partidan Artola-Rezusta eta Elordi-Mariezkurrena izango dira aurrez aurre. Bigarren finalerdian, Ezkurdia eta Albisu txapelen lehian sartzen saiatuko dira Zabalaren eta Iztuetaren aurka.

Ihart eta Maiak irabazi dute Emakumezkoen Jai Alai Liga, Elaiari eta Arairi hiru jokotan irabazita (12-15, 15-10 eta 2-5). Ihartek bere lehen urrezko gerrikoa eramango du eta lehenengoen aurka irabazi izanaz pozik agertu da. Maiak, berriz, bigarrena du erreskadan, eta “urte askoan” horrela jarraitzea espero du 15 urteko atzelari gazteak.

Gizonezkoen finalean, Barandikak eta Basquek bi jokotan (15-6 eta 15-12) hartu dituzte mendean Erkiaga eta Gorka. Emakumezkoen finala askoz lehiatuagoa eta estuagoa izan da; izan ere, irabazleek hiru joko (12-15, 15-10 eta 2-5) behar izan dituzte Elaia eta Arai garaitzeko.

Barandikak eta Basquek lortu dute Jai Alai Ligako urrezko gerrikoa, Erkiaga eta Gorka bi jokotan garaitu ostean (15-6 eta 15-12). Basquek bere lehen gerrikoa lortu du, Barandikak, berriz, hirugarrena.

11-22 aise menderatu dituzte Jakak eta Mariezkurrena II.ak Ezkurdia eta Martija, igande arratsaldean Logroñon jokatutako San Mateo Torneoko finalean. Hasieratik nagusi izan dira kantxan, eta partida desorekatua izan da. B Serieko finalean, berriz, Peio Etxeberria eta Carmelo Loza izan dira nagusi, Elordi eta Eskuza menderatuta.

Bikote gorriak 22-10 hartu ditu mendean Madalen Etxegarai eta Arrate Bergara, Udako Master Laboral Kutxa finalean, igande honetan, Sopelan. Erasunek eta Aldaik hasieratik menperatu dute neurketa.