Vernonek esprintean irabazi dio Godoni, baina frantziarrak Voltako lidergoa sendotu du
Valter 2000 eski estazioko azken igoera bertan behera utzi dute antolatzaileek, eta txirrindulariek laugarren etapa Mataro eta Camprodon artean egin dute (151 kilometro).
Ethan Vernon, helmugan. Argazkia: EFE
Ethan Vernon (NSN Cycling Team) Erresuma Batuko txirrindulariak irabazi du ostegun honetan Kataluniako Voltako laugarren etapa, Mataro eta Camprodon artean (151 kilometro), Dorian Godon (INEOS Grenadiers) sailkapen nagusiko liderrari esprintean gailenduta.
Asteazken arratsalde-gauean, Vallter 2000 eski-estaziorako azken igoera bertan behera utzi zuten antolatzaileek, gailurrean haize bortitza eta hotz handia espero zirelako. Azkenean etapa jokatu da, baina Camprodonen bukatu da. Vernonek, Vila-secako hirugarren etapan bigarren izan zenak, ustekabeko saria lortu du, Valter igo izan balitz, ez zuelako aukerarik izango. Gainera, bere hirugarren etapa garaipena du Voltan, 2025ean eta 2022an irabazitakoen ondoren.
Vallter 2000ra ez igotzeak ikuskizun handiagoa eragotzi du; izan ere, faborietoen erasoak espero ziren gaurko etapan, eta sailkapen nagusirako lehian ezerezean geratu da. Hori bai, Godonek saria izan du berriro, baita Thomas Pidcockek ere (Pinarello Q36.5 Pro Cycling Team), etapan hirugarren eta sailkapen nagusian bigarren sailkatu baita, lider frantziarrarengandik 13 segundora.
Camprodonen, azken kilometroan aldapa txiki bat igo ondoren, tropelak txirrindulari gutxi galdu ditu eta ia osorik sartu da azken metroetan. Etapa garaipena lehiatu nahi zuten hainbat taldek ondo abiatu dute esprinta.
Helmugatik 180 bat metrora dagoen azken biribilgunetik, tropela bateko ilaran eta abiadura bizian pasa da, eta buruz buruko horretan Vernonek Godon gainditu du. Kataluniako lasterketaren edizio honetan hirugarren etapa eskuratzeko zorian izan da txirrindulari frantziarra.
Aurretik, tropelak helmugatik 18,3 kilometrora harrapatu du eguneko ihesaldia, Samuel Fernandezek (Euskaltel-Euskadi) eta Merhawi Kudusek (Burgos Burpellet BH) osatutakoa.
Lloyd nagusitu da Ronde Van Brugge lasterketan
Bestalde, Carys Lloyd (Movistar Team) Erresuma Batuko txirrindulariak irabazi du ostegun honetan Ronde Van Brugge lasterketa, Elisa Balsamo (Lidl-Trek) italiarraren eta Nienke Veerhoven (Team Visma | Lease a Bike) herbeheretarraren aurretik helmugaratuta.
Zure interesekoa izan daiteke
Remco Evenepoelek Donostiako Klasikoa laugarrenez irabaztea bilatuko du larunbat honetan
2019ko, 2022ko eta 2023ko irabazleak Giulio Ciccone, Bauke Mollema eta Mads Pedersenei gailendu beharko zaizkie, besteak beste. Primoz Roglic, Julian Alaphilippe, Enric Mas, Nairo Quintana eta Ion Izagirre ere izango dira irteeran.
Guillermo Thomas Silvak irabazi du Ordiziako Klasikoa
Guillermo Thomas Silva (XDS Astana) uruguaitarrak irabazi du Ordiziako 103. klasikoa, Igor Arrieta (UAE Emirates) nafarrari azken esprint estua irabazita. Joan zen urtean lasterketa bereganatu zuen Arrietak ezin izan du Silvaren abiadurarekin.
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
2026ko Burgosko Itzuliko etapa guztien profilak eta ibilbideak
2026ko Burgosko Itzulia abuztuaren 4aren eta 8aren artean lehiatuko da, Gumiel de Izanen hasi eta Lagunas de Neilan amaituta. Bost etapak kirolakeitb.eus-en eta ETBn izango dira zuzenean ikusgai.
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.