Dorian Godon frantziarra, Voltako lehen liderra, lehen etapa esprint estu batean irabazi ostean
Ineos Grenadierseko txirrindulariak Remco Evenepoel (Red Bull-Bora-Hansgroge) gainditu du azken metroetan.
Dorian Godon (Ineos Grenadiers), podiumean. Argazkia: EFE
Dorian Godon (Ineos Grenadiers) frantziarrak irabazi du Kataluniako Itzuliko lehen etapa, Remco Evenepoel (Red Bull-Bora-Hansgroge) belgikarrari azken hatsean irabazita. 172,2 kilometroko aurreneko dema Sant Feliu de Guixolsen hasi eta bukatu da.
Horrenbestez, Godon Voltako lehen liderra da. Sailkapen orokorrerako faboritoek, besteak beste, Evenepoel bera, Jonas Vingegaard danimarkarra (Team Visma/Lease a Bike) eta Joao Almeida portugaldarra (UAE) tropelean helmugaratu dira.
Kataluniako Itzuliaren 105. edizioaren hasiera Sant Feliu de Guixolseko helmugara heltzeko zuzengune luzean erabaki da. Azken metro gogorrak dira, maldan gora direlako, nahiz eta desnibela txikia izan.
Thomas Pidcock (Q36.5 Pro Cycling Team) bertan saiatu da, baina erasoa luzeegia egin zaio eta azkenean Godon eta Evenepoelen arteko buruz burukoan erabaki da. Azkenean, teknologiak bi txirrindulari horien helmugaratzea aztertu behar izan du, hasiera batean Evenepoelen azken pedalkadak garaipena eman behar ziola zirudien eta.
Baina ez, gurpilean ondo kokatuta eutsi diolako Dorian Godonek esprinta abiatzeko, eta belgikarraren erreferentzia aprobetxatzen jakin du azken metroetan eskuinetik gainditzeko eta helmugako marra ia paraleloan zeharkatzeko, tubular erdiko abantailarekin photo finisha berrikusi ondoren.
29 urteko frantziarrak bere ibilbide profesionalean lortutako hamazazpigarren garaipena du gaurkoa, eta bigarrena INEOS Grenadiersen elastikoarekin, martxoaren 14an Paris-Nizako azken-aurreko etapa irabazi ondoren.
Zure interesekoa izan daiteke
Wout Van Aertek irabazi du bosgarren etapa, esprint jendetsu batean, Parc des Oiseauxen
Sei txirrindulari izan dira eguneko ihesaldiaren protagonistak, tartean, Julen Arriolabengoa Caja Rural taldeko arabarra, baina helmugatik 12 kilometrora tropelak harrapatu ditu.
Esprint jendetsu batean bereganatu du Van Aertek bosgarren etapa
Wout Van Aert (Team Visma) gailendu da Auvernia-Rodano-Alpeetako Tourraren bosgarren etapan. Esprint masibo batek erabaki du gaurko emaitza, belgikarra gainontzekoak baino gehiago izan da eta denboraldiko bigarren garaipena lortu du Montrond-les-Bainsen.
Ihesaldiko txirrindularien arteko esprinta, eta Simmonsen garaipena, Auvernia-Rodano-Alpeetako Tourreko laugarren etapan
Lidl-Trek taldeko txirrindulari estatubatuarra ihesaldiko azkarrena izan da gaur, asteazkenez; segundo gutxi batzuengatik. Ihesaldia Montrond-les-Bainsen helmugaratu da.
Simmons garaile atera da eguneko ihesalditik, eta Baudinek maillot horiarekin jarraitzen du
Ameriketako Estatu Batuetako txapeldunak, besteak beste, Finn Fisher-Black (Red Bull Bora) eta Matteo Vercher (Total Energies) atzean utzi ditu 10 txirrindulariko esprintean.
Team Vismari taldekako erlojupekoan garaipena eman dion Jorgensonen esprinta
Matteo Jorgenson estatubatuarraren azken esprintak garaipena eman diot Team Vismari, Auvernia-Rodano-Alpeak Tourreko taldekako erlojupekoan, hirugarren etapan. INEOS taldea izan da bigarren, eta EF Education hirugarren. Hortaz, Alex Baudin frantziarrak jarraitzen du líder izaten.
Matteo Jorgensonen Visma taldeak erlojupekoa irabazi du Perreuxen
Bigarren Netcompany INEOS Erresuma Batuko taldea sailkatu da, eta hirugarren EF Education-EasyPost, irabazleengandik 29 segundora. Horrela, Alex Baudin txirrindulari frantziarrak lidergoari eutsi dio.
Anthon Charmigek irabazi duen Auvernia-Rodano-Alpeak Tourreko 2. etapako azken kilometroa
Anthon Charmig (Uno-X-Mobility) gailendu da Auvernia-Rodano-Alpeak Tourreko bigarren etapan. Bere ibilbideko bigarren garaipena lortu du danimarkarrak. Henri-Françoi Renard-Haquin (Team Picnic PostNL) frantziarra iritsi da bigarren, eta Vlad Van Mechelen (Bahrain-Victorious) hirugarren.
Charmigek lortu du garaipena Le Puy-en-Velayn, bigarren etapan, ihesaldi luze baten ostean
Uno-X Mobility taldeko txirrindulari danimarkarrak 200 kilometro baino gehiago egin ditu eguneko ihesaldian. Etapako azken igoeran lasterketa-buruan geratu dira Charmig, Garcia Pierna eta Braz. Daniarrak tartea ireki du, eta bakarrik helmugaratu da.
Auvergne-Rhône-Alpes Tourreko 1. etapako azken kilometroa
Alex Baudin (EF Education - EasyPost) txirrindulari frantziarrak irabazi du Auvernia-Rhôneo-Alpes Tourreko lehen etapa, 146,2 kilometrokoa, Vizille eta Saint-Ismier artean.
Baudinek helmugaraino eraman du ihesaldia, eta liderraren maillota jantzi du
EF Education taldeko txirrindulari frantziarra bakarka gailendu da Auvernia-Rodano-Alpeak Tourreko lehen etapan. Ramses Debruyne (Alpecin) eta Leo Bisiaux (Decathlon) izan dira bigarren eta hirugarren, hurrenez hurren.