Wout Van Aertek irabazi du bosgarren etapa, esprint jendetsu batean, Parc des Oiseauxen
Sei txirrindulari izan dira eguneko ihesaldiaren protagonistak, tartean, Julen Arriolabengoa Caja Rural taldeko arabarra, baina helmugatik 12 kilometrora tropelak harrapatu ditu.
Wout Van Aert (Visma-Lease a Bike) belgikarra, helmugan. Irudia: Auvernia-Rodano-Alpeetako Tourra
Wout Van Aert (Visma Lease a Bike) belgikarrak irabazi du esprintean Auvernia-Rodano-Alpeetako Tourreko bosgarren etapa. Saint-Chamond eta Parc des Oiseaux Villars-les-Dombes artean jokatu da gaur 195.8 kilometroko etapa. Bestalde, Alex Baudinek (EF Education) liderraren elastiko horiai eutsi dio.
Sei txirrindulari izan dira eguneko ihesaldiaren protagonistak, tartean, Julen Arriolabengoa Caja Rural taldeko arabarra, baina tropelak harrapatu ditu helmugarako 12 kilometroren faltan.
Vismak ondo planifikatutako esprintean, Van Aert izan da azkarrena eta 4 ordu, 32 minutu eta 59 segundoko denborarekin besoak altxatu ditu. Batez besteko abiadura 43,2 kilometro ordukoa izan da. Hugo Hofstetter frantziarra (NSN) eta Phil Bauhaus alemaniarra (Bahrain) izan dira bigarren eta hirugarren, hurrenez hurren.
Sailkapen nagusian ez da alaketarik izan. Baudinek 12 segundoko aldea du Kevin Vauquelin herrikidearekiko eta Oscar Onley britainiarrarekiko.
Horrela, Herentalseko 31 urteko fenomenoak arantza atera du, uztailaren 4an, Bartzelonan, Tourra Paris Roubaixeko garaipenari beste bat gehitu gabe hasi nahi ez zuela iragarri baitzuen irteeran. Eta belgikarrak hitza bete du, Edoardo Affini taldekidearen kokapen eta lan ezin hobearen ondoren. Vismako txirrindulariaren 53. garaipena da.
Wout Van Aert, etapa garailea
Irabaztea beti da atsegina
"Irabaztea beti da atsegina, eta bereziki horrelako lasterketa batean, beraz, oso pozik nago etapa garaipen honekin", esan du helmugan Van Aertek. "Ez zegoen esprinterren talde askorik, beraz, bagenekien ez zela erraza izango lasterketa kontrolatzea. Vismak egun osoa eman du ihesaldiaren jazarpenean, eta saiatu beharra nuen", azaldu du
Ostiral honetan seigarren etapa jokatuko da Saint-Vulbas eta Crest-Voland artean (182.3 km).
Zure interesekoa izan daiteke
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.