Baudinek helmugaraino eraman du ihesaldia, eta liderraren maillota jantzi du
EF Education taldeko txirrindulari frantziarra bakarka gailendu da Auvernia-Rodano-Alpeak Tourreko lehen etapan. Ramses Debruyne (Alpecin) eta Leo Bisiaux (Decathlon) izan dira bigarren eta hirugarren, hurrenez hurren.
Alex Baudin txirrindulari frantziarra bakarka gailendu da lehen etapan. Argazkia: Tour Auvergne-Rhône-Alpes
Alex Baudin (EF Education) txirrindulari frantziarrak bakarka irabazi du Auvernia-Rodano-Alpeak Tourreko lehen etapa, eguneko ihesaldian ibili ostean, eta, horrenbestez, bera da lasterketako lehen liderra.
Ramses Debruyne (Alpecin) belgikarra eta Leo Bisiaux (Decathlon) frantziarra izan dira bigarrena eta hirugarrena, hurrenez hurren. 32 segundora helmugaratu dira, helmugara iristeko 5 kilometroren faltan beste txirrindulari batzuekin batera tropeletik ihes egin eta gero.
Lehen etapa Vizillen hasi eta Saint-Ismierren bukatu da, 146 kilometro izan ditu, eta txirrindulariek 5 mendate gainditu behar izan dituzte, azkena, Rousset (lehen mailakoa), helmugatik 20 bat kilometrora.
Sailkapen nagusia lehiatzeko faboritoak sasoiko dauden ikusteko etapa zen gaurkoa, ibilbide gogorra baitzuen.
Aurrez hainbat saiakera izan ostean, eguneko ihesaldian hauek sartu dira: Raul Garcia Pierna (Movistar), Alex Diaz (Caja Rural), Sergio Samitier (Cofidis), Alex Baudin eta Alastair Mackellar (EF Education), Georg Zimmermann (Lotto), Matteo Vercher (TotalEnergies), George Bennet (NSN) eta Clement Braz (Groupama).
Eguneko mendateak igarotzen joan diren heinean, talde horretako txirrindulari batzuk atzean geldituz joan dira, banaka-banaka, eta Baudinek bakarka egin du aurrera.
Lehen tokian igaro du Rousset lehen mailako mendatea, eta jaitsiera azkarra eginda, minutu batetik gorako abantaila eskuratu du.
Atzetik, helmugarako 5 kilometro falta zirenean, eta tropelaren baimenarekin, hamar txirrindularik erasora jo dute, Baudin harrapatzeko asmoz, baina ez dute lortu. Frantziarra nagusitu da, eta berak jantzi du liderraren elastikoa.
Zure interesekoa izan daiteke
Auvergne-Rhône-Alpes Tourreko 1. etapako azken kilometroa
Alex Baudin (EF Education - EasyPost) txirrindulari frantziarrak irabazi du Auvernia-Rhôneo-Alpes Tourreko lehen etapa, 146,2 kilometrokoa, Vizille eta Saint-Ismier artean.
ZUZENEAN: Auvergne-Rhône-Alpes Tourreko 1. etapa
Ibon Ruiz: “Sinetsita nengoen irabaziko nuela”
Ibon Ruizek (Kern Pharma) profesional mailako lehen garaipena lortu zuen atzo Mercan'Tourrean. Bere balorazioa oso positiboa da, "kosta egin baitzaio" hori lortzea, eta babesleek euren aldeko apustua egiteko balio izatea espero du. (Bideoa gazteleraz)
Ibon Ruizek Itsas Alpeetako Klasikoa irabazi du
Kern Pharma taldeko txirrindulari gasteiztarrak, asteazkenean, garaipena eskuratu du lasterketan, Frantzian, Proventza-Alpeak-Kosta Urdina eskualdean. Valoniako Itzulian, Jon Barrenetxea Movistar taldeko ziklista bizkaitarra erori da, eta baliteke lepauztaia hautsita izatea.
Auvernia-Rodano-Alpeetako Tourreko etapa guztien profilak eta ibilbideak
Auvernia-Rodano-Alpeetako Tourra ekainaren 7tik 14ra bitartean jokatuko da, Vizillen hasi eta Plateau de Solaisonen amaituta. Zortzi etapak kirolakeitb.eus-en eta ETBn izango dira zuzenean ikusgai.
Yara Kastelijnek irabazi du Burgosko Itzulia, eta Usoa Ostolaza hirugarren izan da
Sailkapen nagusian ez ezik, Neilako aintziretan bukatu den etapan ere hirugarrena izan da txirrindulari zarauztarra. Azken etapan, berriz, Kastelijn txapelduna gailendu da.
Paula Blasik irabazi du Durango-Durango Emakumeen Saria, erakustaldia emanda
UAEko txirrindulari kataluniarra, 2026ko Espainiako Vueltako txapelduna bera, bakarrik helmugaratu da; FDJko Evita Muzic bigarrena izan da, eta EF Education-Oatlyko Alice Towersek eskuratu du hirugarren postua.
Jon Barrenetxeak Finistereko Tourra eta Broucles de l’Aulne lasterketak irabazi ditu
Txirrindulari bizkaitarra onena izan da bi lasterketetan; horiek larunbatean eta igandean lehiatu dira, Bretainian. Garaipen horiekin, Gamiz-Fikakoak lau garaipen lortu ditu guztira profesional mailan; izan ere, 2024an Getxoko Zirkuitua eta 2025ean Andaluziako itzuliaren etapa bat irabazi zituen.
Cat Fergusonek irabazi du 2026ko Navarra Women’s Elite Classic lasterketa, aurreko ekitaldian lortutako garaipena berretsita
Movistar taldeko txirrindulari britainiarra gailendu da, Iruñean, proban erabakigarria izan den esprintean, asteazkenean. Bideo honetan, klasikoko azken kilometroa dago ikusgai; Ruby Roseman-Gannon eta Fiona Mangan ere podiumean izan dira.