Ane Santesteban 12. izan da Volleringek irabazitako Amstel Gold Race klasikoan
Demi Volleringek (SD Worx) irabazi du 2023ko Amstel Gold Race klasikoa igande honetan, apirilaren 16an. Taldekide duen Lotte Kopecky izan da bigarren, SD Worksen lan bikaina biribilduta.
Txirrindulariek Maastricht eta Valkenburg arteko 155,8 kilometroko ibilbideari egin diote aurre. Volleringek Caubergerako igoeran jo du erasoa, helmugarako bi kilometro falta zirenean, eta atzean utzi ditu aurkari guztiak. Hala, herbeheretarra ihes eginda heldu da helmugara, eta garaipena gogotik ospatzeko denbora ere izan du.
Bigarren izan da Kopecky, irabazlearekiko 8 segundora, eta haren atzetik helmugaratu da Shirin Van Anrooij (Trek), hirugarren postua bereganatuta.
Bestalde, Ane Santesteban (Jayco AlUla) euskal txirrindularia hamabigarren izan da, Volleringekiko 9 segundora. Lasterketa bikaina egin du Santestebanek, eta onenen artean egon da.
Demi Vollering (Pijnacker, 26 urte) denboraldi ona osatzen ari da. Aurten, Strade Bianche irabazi du, eta bere palmaresean baditu Frantziako Tourra, Lieja-Bastogne-Lieja klasikoa eta Itzulia. Duela gutxi, bigarren postuak eskuratu ditu Brabanteko Gezian eta Flandriako Tourrean. Gainera, Valkenburgen ere garaipena bereganatu du aurten. Igande honetan, Marta Cavalli iazko Amstel Gold Raceko irabazlearen lekukoa hartu du.
SAILKAPENA:
1 - VOLLERING, Demi (SD Worx) 4:06:54
2 - KOPECKY, Lotte (SD Worx) +0:08
3 - VAN ANROOIJ, Shirin (Trek) d. b.
4 - NIEWIADOMA, Katarzyna (Canyon) d. b.
5 - PALADIN, Soraya (Canyon) d. b.
6 - BROWN, Grace (FDJ) d. b.
7 - GEORGI, Pfeiffer (DSM) d. b.
8 - MOOLMAN, Ashleigh (AG I) d. b.
9 - PERSICO, Silvia (UAE) d. b.
10 - LUDWIG, Cecilie Uttrup (FDJ) d. b.
11 - VAN VLEUTEN, Annemiek (Movistar) d. b.
12 - SANTESTEBAN, Ane (Jayco) d. b.
13 - CHABBEY, Elise (Canyon) d. b.
14 - MARKUS, Riejanne (Jumbo) +0:10
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.