Demi Volleringek bereganatu du Lieja, esprintean Van Vleuten menderatuta
Demi Vollering herbeheretarrak (SD Worx) irabazi du Lieja-Bastoña-Lieja klasikoaren 5. ekitaldia, Annemiek van Vleuten (Movistar) herrikidea esprintean gainditu eta gero, 140 kilometroko ibilbidean.
Volleringek (Zoetermeer, 24 urte) Anne van der Breggen munduko txapeldunaren talde-lana eta esprint-bideratzea aprobetxatu ditu helmugako marran gailentzeko, Van Vleuten eta Elisa Longo Borghini (Trek) italiarraren aurretik.
Hartara, gaurkoa lehen garaipen handia da Volleringentzat, askoren ustetan bere lagun Van der Breggenen ondorengoa izango dena. Denboraldi honetan loriatik gertu ibili da hainbat aldiz, bigarren izan baita Amstel eta Flecha Brabanzonan, bosgarren Flandrian eta seigarren Strade Bianchen.
Ohikoa denez, lasterketa azken 40 kilometroetan erabaki da. Belatzen harkaitzean (1,3 kilometro, % 11ko bataz bestekoarekin) Van Vleutenek erritmoa tenkatu du, eta bere joaren ondorioz, behin betiko ihesaldia osatu da bosteko batekin. Van Vleutenekin batera, Van der Breggen, Longo Borghini, Kasia Niewiadoma eta Demi Vollering zeuden.
Erasoaren helburua Marianne Vos herbeheretarra kanporatzea zen, eta lortu egin dute. Ondorioz, abantaila lortuta egin dute aurrera Van der Breggen eta Demi Volleringek, biak SD Worxekoak.
Van der Breggen lanerako zegoen, eta bere jarduna esprintean azkarragoa den taldekide baten zerbitzura jarri du. Volleringek bere lagunaren eskuzabaltasuna eta klasea aprobetxatu ditu, bigarren postuarekin konformatu behar izan duen Van Vleuteni gailentzeko.
Volleringek, hartara, Elizabeth Deignanen lekukoa hartu du, britainiarra izan baitzen joan zen urrian jokatu zen joan zen urteko ekitaldiaren irabazlea.
Euskaldunei dagokienez, Ane Santesteban (BikeExchange) 18. postuan helmugaratu da (1:59 minutura) eta Eider Merino 30. postuan (4:02).
Sailkapenak:
1 - VOLLERING Demi (SD Worx) 3:54:31
2 - VAN VLEUTEN Annemiek (Movistar) 0:00
3 - LONGO BORGHINI Elisa (Trek-Segafredo) 0:00
4 - NIEWIADOMA Katarzyna (Canyon) 0:00
5 - VAN DER BREGGEN Anna (SD Worx) 0:02
6 - VOS Marianne (Jumbo-Visma) 1:27
7 - MOOLMAN Ashleigh (SD Worx) 1:27
8 - LUDWIG Cecilie Uttrup (FDJ) 1:27
9 - BRAND Lucinda (Trek-Segafredo) 1:59
10 - SPRATT Amanda (BikeExchange) 1:59
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.