Prodhommek irabazi du Giroko etapa nagusia, eta Del Torok lidergoari eutsi dio
Nicolas Prodhomme (Decathlon AG2R) frantziarrak irabazi du ostiral honetan Italiako Giroko 19. etapa, 166 kilometrokoa, Biella eta Champoluc artean. Prodhommek helmugarako 28 kilometroren faltan jo du erasoa, Antonio Tiberi (Bahrain) eta Giulio Pellizzari (Red Bull) italiarrak atzean utzita.
Atzetik, Isaac Del Toro (UAE) mexikarra eta Richard Carapaz (EF) ekuadortarra izan dira maglia arrosaren lehian. Helmugan, Giroko liderrak bigarren postua eskuratu du, eta Carapaz hirugarren sartu da, denbora berean, Prodhomme sartu eta 58 segundora.
Saint Pantaleoneko maldetatik, Verona, Arrieta, Tiberi eta Prodhomme pasatu dira lasterketaren burura. Simon Yatesen Vismak ezarritako erritmoari esker, talde nagusia 2 minutu eta 15 segundora jarri da. Tontorrean, Fortunato italiarra Giroko mendiko errege bihurtu da jada, igandean Erroman amaitzeko baldintza betetzen badu.
Del Tororen gizonek ezarritako erritmoari esker, Verona eta Pellizzari harrapatu dituzte, eta Prodhommeren bila joan dira.
Del Toro aise iritsi da gailurrera. Carapaz bakarrik ausartu da aurre egiten, baina Del Torok eta Simon Yatesek berehala itzali dute.
Prodhomme helmugarantz zihoan bitartean, Carapazek kartutxo bat gastatu du berriro Antagnodeko gailurretik 2 kilometrora. Del Torok bakarrik erantzun dio, Yates atzean geratu baita. Ekuadortarraren eta mexikarraren arteko buruz burukoa helmugatik 6 kilometrora hasi da.
Del Torok helmugatik 400 metrora jo du erasoa, bi segundoko saria ziurtatzeko, eta argi utzi du maglia arrosa defendatzeko gaitasuna duela.
19. ETAPAKO SAILKAPENA
1.- PRODHOMME Nicolas (Decathlon) 4:50:35
2.- DEL TORO Isaac (UAE) +0:58
3.- CARAPAZ Richard (EF) d. b.
4.- CARUSO Damiano (Bahrain) +1:22
5.- MCNULTY Brandon (UAE) d. b.
6.- BERNAL Egan (INEOS) d. b.
7.- YATES Simon (Visma) d. b.
8.- MAJKA Rafal (UAE) d. b.
9.- TIBERI Antonio (Bahrain) d. b.
10.- RUBIO Einer (Movistar) d. b.
SAILKAPEN NAGUSIA
1.- DEL TORO Isaac (UAE) 73:47:59
2.- CARAPAZ Richard (EF) +0:43
3.- YATES Simon (Visma) +1:21
4.- GEE Derek (Israel) +2:32
5.- CARUSO Damiano (Bahrain) +3:36
6.- BERNAL Egan (INEOS) +5:13
7.- PELLIZZARI Giulio (Red Bull) +5:46
8.- RUBIO Einer (Movistar) +6:39
9.- STORER Michael (Tudor) +9:11
10.- MCNULTY Brandon (UAE) +9:33
Zure interesekoa izan daiteke
2026ko Italiako Giroko 16. etaparen profila, ibilbidea eta ordutegia: Bellinzona-Cari (113 km)
Etapa hau Suitzako lurraldeetan jokatuko da, osorik. Carin amaituko da, lehen mailako mendatean eta Italiako Giroan lehenengoz.
2026ko Italiako Giroko 14. etaparen ibilbidea, profila eta ordutegia: Aosta-Pila (133 km)
Alpeetan jardunaldi gogorra izango da, bost igoera eta 4.350 metroko desnibel metatua baititu. Azken igoerak, Pilak, 1.793 metroko erraldoiak (16,5 km, batez beste % 7,1eko aldapekin), erabakiko du etapa. Pila Gressango isurialdetik igoko dute lehen aldiz.
2026ko Italiako Giroko 13. etaparen profila, ibilbidea eta ordutegia: Alessandria-Verbania (189 km)
Azken 30 kilometroak dira gogorrenak etapa honetan, larunbateko mendiko etapa handiaren aurreko egunean; Ungiasca mendatea atzean utzita, soilik hamahiru kilometro geldituko zaizkio txirrindulariei, eta mendate horrek % 10etik gorako maldak ditu; hortaz, erabakigarria izan liteke.
Markel Beloki, 10. sailkapen nagusian: “Nire lehenengo erlojupeko luzea izan da, esperientzia berria niretzat"
Txirrindulari gasteiztarrak 17. egin du Italiako Giroaren 10. etapan, Filippo Ganna garailea 03:11ra zuela. Gainera, EF Education taldeko ziklista gaztea sailkapen nagusiko 10. postuan dabil, Afonso Eulalio liderra 04:16ra duela.
Nor da erlojupeko espezialistarik onena? Kontuan hartzeko datuak
Xabier Usabiagak erlojupeko espezialistak izan ditu hizpide gaurkoan. Batzuentzat Garai bateko txirrindulariak dira onenak, beste batzuentzat, gaur egungoak. Baliabide eta teknologia asko aldatu da azken urteetan, eta datuak aztertu ditugun arren, eztabaidak zabalik dirau.
Filippo Gannak irabazi du Giroko erlojupekoa; Eulaliok lider jarraitzen du, Vingegaard bigarren dabil, eta Beloki, hamargarren
Netcompany INEOS taldeko txirrindulari italiarrak, erlojupekoetan espezialista bikaina bera, nagusitasun handiz gailendu da Massan; Jonas Vingegaardek ezin izan du maglia arrosa jantzi, Afonso Eulaliok bikain defendatu baitu, eta Markel Beloki sailkapen nagusiko hamargarren postura igo da.
Ganna jaun eta jabe izan da Giroko erlojupeko luzean, eta Eulaliok eutsi egin dio Vingegaardi
Espezialista italiarra indartsuena izan da 42 kilometroko erlojupekoan. Bestalde, Danimarkako txirrindulariak, azken garaipena lortzeko faborito nagusiak, ez du lortu ziklista portugaldarrari lidergoa kentzea.
Markel Beloki: “Bukaerako erritmoa oso azkarra izan da”
Markel Beloki (EF Education) txirrindulari arabarrak lan bikaina egin du Giroko 9. etapan, 16. postuan bukatu baitu, Jonas Vingegaard (Visma) irabazlearengandik minutu eta 12 segundora.
Italiako Giroko 9. etapako azken igoera, eta Jonas Vingegaarden garaipena
Jonas Vingegaard (Visma | Lease a Bike) txirrindulari daniarrak irabazi du Italiako Giroko bederatzigarren etapa, Cervia eta Corno alle Scale artekoa, azken metroetan Felix Gall (Decathlon) atzean utzita.
Vingegaard indar erakustaldia eginda gailendu da Corno alle Scale mendatean
Giulio Ciccone urrutitik saiatu da, baina Jonas Vingegaardek eta Felix Gallek helmugarako bi kilometro falta zirenean harrapatu dute, eta danimarkarra bakarka nagusitu da azkenean. Afonso Eulaliok lan ona egin du, eta liderraren maillotari eutsi dio. Giulio Pellizzarik, berriz, minututik gorako atzerapena izan du helmugan.