2025eko Italiako Giroko 19. etaparen profila: Biella-Champoluc (166 kilometro)
Ostiralean, maiatzaren 30ean, 2025eko Italiako Giroko hemeretzigarren etapa izango da jokoan, alegia, lasterketako 108. ekitaldiko azken-hirugarrena. Antolatzaileek zehaztutako ordutegiaren arabera, txirrindulariak 12:20an hasiko dira lanean, Biellan, eta, guztira 166 kilometro eginda, jardunaldiak Champolucen amaituko da, 16:57ik 17:34ra bitartean. Txirrindulariek bost mendate gainditu beharko dituzte; horietako hiru, alegia, Col Tzecore, Con Saint-Pantaleon eta Col de Joux, 1. mailakoak dira. Hortaz, etapa gakoa izan liteke, azken sailkapen nagusiari begira.
Testuinguru horretan, ziklistek, hasteko, 3. mailako Croce Serra igoko dute; 15,1. kilometroan dago hori. 50,7. kilometroan, Verresen, Giroa Col Tzecore igotzen hasiko da. Hori 1. mailako mendatea da, oso gogorra; parte-hartzaileek 16 kilometroko igoera egin beharko dute, eta batez besteko malda % 7,7koa da, baina aldaparen bat % 15eraino ere iristen da. Datu esanguratsuak dira, baina etapak, oraindik, askoz ere oztopo gehiago baditu.
92,7. kilometroan, Chambaven, lasterketa Col Saint-Pantaleon igotzen hasiko da, eta horrek 109,3. kilometroan du pankarta. 1. mailako mendate horretan, % 12ra arteko aldapak daude, eta batez besteko malda % 7,2koa da. Mendatea jaitsita, 129,3. kilometroan, Col de Jouxerako igoerari ekingo diote; hori ere bada 1. mailakoa, 15 kilometro baino gehiago ditu, eta batez besteko malda % 6,9koa dauka; aldapa batzuk % 12koak dira. Horrek esan nahi du Col Saint-Pantaleon Giroko hemeretzigarren etapa honetako hirugarren mendate oso gogorra dela.
Adi, hala ere, 2. mailako Antagnod mendateari. Horren pankarta 161. kilometroan dago, hau da, helmugarako bost kilometrora eta erabakigarria izan liteke. Batezbeste, % 4,5eko malda du, eta 9,5eko ahalegina eskatuko die txirrindulariei; tarte batzuk % 11koak ere badira.
Aurreneko aldiz izango da gizonezkoen Italiako Giroa Champolucen, helmuga izango den tokian. Etapa hau bukatuta, txirrindulariei beste bi geldituko zaizkie, soilik, 2025eko Italiako Giroari amaiera emateko.
ETAPAKO PROFILA
Jarraitu 12:10ean eitb.eus-en, 14:00etan ETB4n, eta 15:00etan ETB1en.
FITXA TEKNIKOA
Etapa: 19. etapa (maiatzak 30, ostirala)
Ibilbidea: Biella-Champoluc
Distantzia: 166 km
Hasiera-ordua: 12:20
Amaiera ordua: 16:57 (37 km/h) | 17:15 (35 km/h) | 17:34 (33 km/h)
Mendiko saria: Croce Serra (3. maila), 15,1. kilometroan; Col Tzecore (1. maila), 67. kilometroan; Col Saint-Pantaleon (1. maila), 109.3. kilometroan; Col de Joux (1. maila), 145,4. kilometroan; Antagnod (2. maila), 161. kilometroan
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.