Elisa Longo da Giroko lehen liderra, estreinako erlojupekoa irabazita

Elisa Longo Borghinik (Lidl-Trek) irabazi du 2024ko Italiako Giroko lehenengo etapa, Brescian hasi eta amaitutako 15,7 kilometroko erlojupekoa, eta italiarrak jantzi du liderraren elastikoa.

Longok 20 minutu eta 37 segundo behar izan ditu ibilbidea betetzeko. Grace Brown (FDJ-Suez) izan da bigarren, segundo bakarrera, eta Brodie Champman (Lidl-Trek) hirugarren, 11 segundora. Usoa Ostolazak (Laboral Kutxa-Euskadi Fundazioa) irabazlearekiko 1 minutu eta 44 segundora amaitu du erlojupekoa; Ane Santestebanek (Laboral Kutxa-Euskadi Fundazioa), aldiz, 2 minutu eta 19 segundora.

Ondorioz, Elisa Longo Borghini da sailkapen nagusiko liderra; Brown, bigarrena, segundo batera du, eta Champman, hirugarrena, 11ra.

1. ETAPAKO SAILKAPENA ETA SAILKAPEN NAGUSIA:

1 - LONGO BORGHINI Elisa (Lidl) 20:37

2 - BROWN Grace (FDJ) +0:01

3 - CHAPMAN Brodie (Lidl) +0:13

4 - NOOIJEN Lieke (Visma) +0:23

5 - KOPECKY Lotte (SD Worx) +0:25

6 - HARTMANN Elena (Roland) +0:28

7 - LABOUS Juliette (DSM) +0:29

8 - EDWARDS Ruth (Human) +0:30

9 - KERBAOL Cédrine (CERATIZIT) +0:38

10 - ADEGEEST Loes (FDJ) d.b.

----------------------------------------------------------------

75 - OSTOLAZA Usoa (Laboral Kutxa) +1:44

115 - SANTESTEBAN ANE (Laboral Kutxa) +2:19