Italiako Giroko 15. etaparen profila, ibilbidea eta ordutegia: Manerba del Garda-Livigno (222 km)
Bost mendate puntuagarri igo beharko dituzte txirrindulariak maiatzaren 19ko etapan. 222 kilometroko ibilbidean, lehen mailako hiru mendate igo beharko dituzte. Mortirolo da horietako bat, eta amaieran Mottolino aurkituko dute, igoera laburra baina gogorra duen mendatea. Goi-mailako txirrindularitzaz gozatzeko egun aparta izango da igandekoa. Manerba del Gardatik 10:40an aterako da tropela, eta irabazlea 16:47 eta 17:40 artean helduko da helmugara, aurreikuspenen arabera.
Antolatzaileek emandako azalpenen arabera, lehen mendatea 37,7. kilometroan dago: Lodrino (3. mailakoa). Ondoren, 64,7. kilometroan, Colle San Zenotik igo beharko dute; 13,9 kilometroko igoera duen 2. mailako mendate honek batez beste % 6,6ko aldapak ditu, eta % 14koak ere badaude tarte batzuetan.
Eguneko hirugarren mendatea, Giroko mendate mitikoetako bat, Mortirolo, 155,4. kilometroan helduko da. Lehen mailako mendate honek 12,6 kilometroko igoera eta batez beste % 7,6ko maldak ditu, baina % 16ko aldapak ere badaude bertan. Mortirolotik lehen tokian pasatzea ohorea denez txirrindularientzat, interesgune aparta da.
Hortik helmugara, beste bi mendate aurkituko dituzte: Passo di Foscagno, helmugatik bederatzi kilometrora dagoen 15 kilometroko igoera, batez beste % 6,4ko maldak eta tarteren batean % 11koak dituena, eta Mottolino (Livignon), mendate motza (4,7 kilometro) baina oso gogorra, batez beste % 7ko aldapak baina tarteka % 19koak ere badituena.
Horrenbestez, etapa erabakigarria eta oso erakargarria da, eta EITBn zuzenean ikusteko aukera izango da. eitb.eus-en, osorik ikus daiteke, 10:15etik aurrera, eta ETB1en, 15:00etatik aurrera.
ETAPAREN PROFILA
FITXA TEKNIKOA
Etapa: 15. etapa (maiatzak 19)
Ibilbidea: Manerba del Garda - Livigno (Mottolino)
Distantzia: 222 km
Goranzko desnibel metatua: 5.400 m
Hasiera-ordua: 10:40
Iritsiera-ordua: 16:47 (36 km/h) | 17:12 (34 km/h) | 17:40 (32 km/h).
Mendiko Saria: Lodrino (3. mailakoa), 37,7. kilometroan; Colle San Zeno (2. mailakoa), 64,7. kilometroan; Passo del Mortirolo (1. mailakoa), 155,4. kilometroan; Passo di Foscagno (1. mailakoa), 213,3. kilometroan; Livigno (Mottolino) (1. mailakoa), 222. kilometroan.
AZKEN KILOMETROA
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.