2023ko Italiako Giroaren 1. etaparen profila, ibilbidea eta ordutegiak: Fossacesia Marina-Ortona (19,6 km)
2023ko Italiako Giroa maiatzaren 6an hasiko da, larunbatez, 19,6 kilometroko erlojupeko batekin. Etapa Fossacesia Marinan hasi eta Ortonan amaituko da. Antolatzaileek prestatutako ibilbidea laua da 16. kilometroraino, baina azken tartea aldapan dago; pentsatzeko modukoa da lasterketako gizon indartsuenen arteko lehen aldeak zehaztuko direla, baina, ziur aski, alde horiek ez dira oso handiak izango.
106. Italiako Giroa 13:50ean abiatuko da; izan ere, orduan irtengo da lehen txirrindularia. Aurreikuspena da azken ziklista parte hartzaileak 17:09 aldera zeharkatzea helmuga; txirrindulari azkarrenek 22 minutu eta erditik gorako ahalegina burutu beharko dute.
Lehen maglia arrosa nork jantziko duen jakingo dugu, eta, horrez gain, mendiko sailkapenaren lehen liderraren izena argituko du etapak; izan ere, helmuga 4. mailako mendate puntuagarri batean dago kokatuta.
Lasterketa zuzen-zuzenean ikusi ahalko da EITBn, honako ordutegi hauetan: eitb.eus-en etapa oso-osorik ikusteko aukera egongo da, 13:40tik aurrera. Telebistako emanaldia 15:00etan hasiko da ETB1en, etapa amaitu arte.
ETAPAREN PROFILA
FITXA TEKNIKOA
Etapa: 1. etapa (maiatzak 6)
Ibilbidea: Fossacesia Marina – Ortona
Distantzia: 19,6 km
Goranzko desnibel metatua: 100 m
Hasiera-ordua: 13:50
Amaiera-ordua: 17:10 (54 km/h).
Mendiko saria: Ortona (4. mailakoa), 19,6 kilometroan.
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.