Jonas Vingegaardek erakustaldia eman du azken etapan eta 2023ko Itzulia irabazi du
Jonas Vingegaard Jumbo Visma taldeko txirrindulari danimarkarrak irabazi du 2023ko Itzulia Basque Country lasterketa Eibarren hasi eta bukatu den seigarren eta azken etapan erakustaldia emanda eta garaipena bereganatuta. Azken honekin, Vingegaard lehiatu diren sei etapetatik hirutan helmugaratu da lehenengo Itzuliaren 62. edizioa eskuratzeko.
Danimarkarrak eraso erabakigarria eman du etapa bukatzeko 30 kilometro inguru falta zirenean, eta atzean utzi du bere aurkari nagusien txirrindulari taldea, tartean Mikel Landa eta Jon Izagirre euskaldunak zirela.
Mikel Landak (Bahrain Victorious) sailkapen nagusiko bigarren postuari eutsi dio, eta Jon Izagirre (Cofidis) podiuma osatu du etapa hirugarren postuan amaituta.
Etapa hasieran Jimmy Janssens (Alpecin-Deceuninck) eta Nicolas Prodhomme (AG2R Citröen) izan dira lehenak tropeletik ihes egiten, baina bikoteak ez du asko iraun lasterketa buruan. Geroago, taldetxo batek egin du aurrera, 12 txirrindulari hauexekin: Daniel Felipe Martinez (Ineos Grenadiers), Valentin Paret-Peintre (AG2R Citröen), Emanuel Buchmann (Bora-hansgrohe), Harm Vanhoucke (DSM), Esteban Chaves (EF Education-EasyPost), Bruno Amirail (Groupama-FDJ), Rein Taaramae (Intermarche-Circus-Wanty), Eddie Dunbar (Jayco AlUla), Ruben Guerreiro (Movistar), Steven Kruijswijk (Jumbo Visma), Attila Valter (Jumbo Visma) eta Marc Hirschi (UAE Emirates).
Hamabiko taldeak zuloa ireki du, eta, horrexegatik, Mikel Landa buru duen Bahrain Victorious jarri da lanean tropelaren buruan. Iheslariekiko desabantaila murriztu egin du Landaren taldeak. Ondoren, Krabellinen gora Chavesek jo du erasoa, eta berarekin batera egin dute aurrera Guerreirok eta Kruijswijkek. Gainera, jaitsieran lasterketa buruko hirukotearekin egin du bat Valterrek.
Tropelean faborito nagusiek bat eginda igo dute Krabelin, eta atzean geratu den bakarra Mattias Skjelmose (Trek-Segafredo) izan da; geroago, ordea, bat egin du faboritoen tropelarekin.
Trabakuara iritsi aurretik tropeletik jauzi egin dute Mauro Schmid (Soudal Quick-Step), Igor Arrieta (Kern Pharma) eta Mathieu Burgaudeau (TotalEnergies) txirrindulariek. Schmidek atzean utzi ditu Arrieta eta Burgaudeau eta lasterketa buruko laukotearekin bat egin du.
Helmugatik 40 kilometrora ihesaldiko boskotea hausteko ahalegina egin du Chavesek, baina ez du lortu taldetxoa apurtzea. Bost kilometro gehiago gainditu ostean, aldiz, Schmidek jo du erasoa eta aurrera egin du berak bakarrik.
Izuarako igoera baino lehen atzean geratu da Valter. Chavesek erritmoa biztu du lehen maldetan eta Schmidekin bat egin du Guerreirorekin batera. Kruijswijk atzean geratu da.
Bestalde, tropelaren buruan jarri da Jon Izagirre (Cofidis) Izuarako igoeraren hasieran, baina Jonas Vingegaardek (Jumbo Visma) erasoa jo du. Liderrak atzean utzi ditu bere aurkari nagusiak, bat egin du Chavesekin eta Guerreirorekin eta horiek ere atzean uztea lortu du. Beraz, liderra jarri da lasterketa buruan.
Jon Izagirre eta Mikel Landa atzeko multzoan geratu dira. Euskal txirrindulariekin batera amaitu dute Izuarako igoera Enric Mas (Movistar), Sergio Higuita (Bora-hansgrohe), Brandon McNulty (UAE Emirates), David Gaudu (Groupama-FDJ), Simon Yates (Jayco AlUla) eta James Knox (Soudal Quick-Step), besteak beste.
Vingegaard aurkari nagusiak zeuden tropelarekiko 47 segundoko abantailarekin iritsi da azken 20 kilometroetara. Pixkanaka, danimarkarra abantaila handitzen joan da, eta etapa garaipena bereganatuta 2023ko Euskal Herriko Itzulia irabazi du.
Jonas Vingegaard ezin zutela harrapatu ikusita, atzeko tropelean podiumeko postuak egon dira jokoan. Erasoak bata bestearen ostean eman dira, eta Knox izan da metro batzuetako abantaila hartu duena. Britainia Handiko txirrindularia izan da bigarren helmugan, eta Jon Izagirre hirugarren. Horri esker, euskal txirrindulariak sailkapen nagusiko hirugarren postua lortu du eta podiumean amaitu du Itzulia. Mikel Landa, aldiz, hamaikagarren izan da helmugan eta sailkapen nagusiko bigarren postuari eutsi dio.
Kontsultatu Itzuliaren sailkapen guztiak, eitb.eus-en.
Zure interesekoa izan daiteke
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
2026ko Euskal Herriko Itzuliko 6. etaparen profila eta ibilbidea: Goizper-Antzuola—Bergara (135,4 km)
“Azken etapa ez da tramite hutsa izango”, ohartarazi dute Itzuliaren antolatzaileek, lehiako seigarren eta azken egunak zer ekarri ahal duen aztertuta. Asentzio, Elosua eta Azkarate bina aldiz igoko dituzte, eta, guztira, hiru igoera 2. mailakoak izango dira: “Sailkapen nagusia estu-estu egotekotan”, adierazi du Itzuliak, “etengabeko markaketak izango dira; urrundik azkeneko erasoa jotzeko aukera balia lezake baten batek, halaber”.