Oldanik irabazi du Giroko etapa luzeena
Stefano Oldanik (Alpecin Fenix) irabazi du Italiako Giroko 12. etapa, ostegun honetan (maiatzak 19) Parma eta Genova artean egin dena, 204 kilometroko ibilbidearekin. Juan Pedro Lopezek (Trek-Segafrdo) jarraitzen du lidergoan.
Hiru txirrindulari iritsi dira ihes eginda azken metroetara. Esprintean erabaki da irabazlea, eta Oldani izan da onena Lorenzo Rota (Intermarché) eta Gijs Leemreize (Jumbo Visma) mendean hartuta. Irabazlearengandik 57 segundora helmugaratu dira Bauke Mollema, Santiago Buitrago, Wilco Kelderman eta Lucas Hamilton. Tropelak lasaitasunez hartu du etapa, eta Oldanirekiko 9'08"ra gurutzatu du helmuga. Sailkapen nagusiko lehen postuetan ez da aldaketarik egon.
Giroko etapa luzeenak mugimendu asko izan ditu hasieratik. Lehen ihesaldi saiakeran Van der Poel egon da, baina tropelak ez dio aurrera egiten utzi. Ondoren, David de la Cruz eta Jorge Arcas saiatu dira tropeletik alde egiten, baina alferrik. Azkenean, 65 kilomtroa gainditu ostean osatu da ihesaldia.
Tropeletik 22 gizonek alde egin dute, eta hasiera baten han sartu da Van der Poel. Magnus Cort, Taaramae eta Mollema ere, besteak beste, bertan egon dira. La Collettako igoeran Lorenzo Rotak jo du erasoa, eta zuloa ireki du; jaitsieran, ordea, Oldanik eta Leemreizek bat egin dute Rotarekin. Atzetik, Kelderman, Buitrago, Hamilton eta Mollema saiatu dira lasterketa buruan ibili den hirukotearekin bat egiten, baina ez dute helburua lortu. Azken kilometrora abantaila nahikoarekin iritsi da hirukotea, eta Oldanik eskuratu du garaipena.
Sailkapen nagusiko lehen postuan jarraitzen du Juan Pedro Lopezek. Espainiarrak 12 segundoko abantaila du Richard Carapaz eta Joao Almeida txirrindulariekiko.
12. etapako sailkapena:
1 - OLDANI Stefano (Alpecin-Fenix) 4:26:47
2 - ROTA Lorenzo (Intermarche) d. b.
3 - LEEMREIZE Gijs (Jumbo-Visma) + 2"
4 - MOLLEMA Bauke (Trek - Segafredo) + 57"
5 - BUITRAGO Santiago (Bahrain - Victorious) d. b.
6 - KELDERMAN Wilco (BORA) d. b.
7 - HAMILTON Lucas (BikeExchange - Jayco) d. b.
8 - VENDRAME Andrea (AG2R) + 1'44"
9 - TAARAMÄE Rein (Intermarché) + 1'49"
10 - EENKHOORN Pascal (Jumbo-Visma) + 2'55"
Sailkapen nagusia:
1 - LOPEZ Juan Pedro (Trek-Segafredo) 46:43:12
2 - CARAPAZ Richard (INEOS) + 12"
3 - ALMEIDA João (UAE) d. b.
4 - BARDET Romain (DSM) + 14"
5 - HINDLEY Jai (BORA) + 20"
6 - MARTIN Guillaume (Cofidis) + 28"
7 - LANDA Mikel (Bahrain-Victorious) + 29"
8 - POZZOVIVO Domenico (Intermarché) + 54"
9 - BUCHMANN Emanuel (BORA) + 1'09"
10 - BILBAO Pello (Bahrain-Victorious) + 1'22"
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.