Biniam Girmayk irabazi du 10. etapa Van der Poel gaindituta
Biniam Girmay (Intermarché) eritrearrak irabazi du Italiako Giroko hamargarren etapa, Pescara eta Jesi artean (196 km). Juan Pedro Lopez (Trek) espainiarrak maglia arrosa mantendu du.
Girmayk (22 urte), Van der Poelekin lehia ikusgarrian, besoak altxatu ditu 4:32:07ko denborarekin eta hirugarren postua Vincenzo Albanese (Eolo Kometa) italiarrarentzat izan da.
Bais, De Marchi eta Naesen txirrindulariek osatu dute eguneko ihesaldia. Etaparen lehen txanpan aurrera egiten utzi die tropelak eta 6 minutu eta 20 segundoko abantaila izan dute. Hala ere, Van der Poelen Alpecin Fenix taldea lanean jarri da tropelean Ewanen Lotto Soudal eta Girmayren Intermarche taldeekin batera.
De Marchik atzean utzi ditu ihesaldiko bi kideak helmugarako 34 kilometro falta zirenean. Tropelak amaierarako 24 kilometro falta zirenean harrapatu ditu Bais eta Naesen. Lau kilometro beranduago, amore eman du De Marchik. Azken kilometroetan erasoak izan dira tropelean, baina txirrindulari batek ere ez du lortu alde egitea. Irabazlea esprintean erabaki da; Girmayk ondo eutsi dio Van der Poeli, eta garaipen historikoa erdietsi du.
Sailkapen nagusian Juanpe Lopez da nagusi, Joao Almeida portugaldarraren eta Romain Bardet frantziarraren aurretik, 12 eta 14 segundora, hurrenez hurren.
Asteazken honetan hamaikagarren etapak Santarcangelo di Romagnatik Reggio Emiliara eramango du 203 kilometroko ibilbidea.
10. ETAPA:
Etapako sailkapena:
1 - GIRMAY Biniam Intermarché - Wanty - Gobert Matériaux 4:32:07
2 - VAN DER POEL Mathieu Alpecin-Fenix m.t.
3 - ALBANESE Vincenzo EOLO-Kometa m.t.
4 - KELDERMAN Wilco BORA - hansgrohe m.t.
5 - CARAPAZ Richard INEOS Grenadiers m.t.
6 - BOUWMAN Koen Jumbo-Visma m.t.
7 - BARDET Romain Team DSM m.t.
8 - BILBAO Pello Bahrain - Victorious m.t.
9 - ALMEIDA João UAE Team Emirates m.t.
10 - SCHMID Mauro Quick-Step Alpha Vinyl Team m.t.
Sailkapen nagusia:
1 - LOPEZ Juan Pedro (Trek) 42:24:08
2 - ALMEIDA João (UAE) +0:12
3 - BARDET Romain (DSM) +0:14
4 - CARAPAZ Richard (INEOS) +0:15
5 - HINDLEY Jai (BORA) +0:20
6 - MARTIN Guillaume (Cofidis) +0:28
7 - LANDA Mikel (Bahrain) +0:29
8 - POZZOVIVO Domenico (Intermarché) +0:54
9 - BUCHMANN Emanuel (BORA) +1:09
10 - BILBAO Pello (Bahrain) +1:22
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.