Campenaertsek eskuratu du garaipena, helmugara iritsi den beste ihesaldi baten ostean
Victor Campenaerts Qhubeka ASSOS taldeko txirrindulari belgikarrak irabazi du Italiako Giroko 15. etapa, Grado eta Gorizia artean 147 kilometroko ibilbidearekin jokatu dena. Egan Bernal kolonbiarrak (INEOS Grenadiers), berriz, elastiko arrosarekin jarraitzen du lasterketako etapa nagusiaren bezperan.
Hala, sailkapen nagusiari begira gorabeherarik izan behar ez zuen etapan, erlojuaren aurkako orduko marka duen belgikarra Oscar Riesebeek (Alpecin-Fenix) herbeheretarrarekin batera alde egin du Gornje Cerovoko igoeran. Albert Torres (Movistar) elkartu zaie hasiera batean, baina helmugarako 15 kilometro falta zirenean, ezin izan dio bikotearen erritmoari eutsi. Hirurek 15 kidek osatu duten ihesaldian parte hartu dute.
Goriziako helmugan, Campenaerts aurkariaren erasoaren zain geratu da, eta esprintean menderatu du (3:25:25). Etapako podiuma Nikias Arndtek (DSM) osatu du, zazpi segundora sartuta.
Tropel nagusia atzerapen handiarekin (17:21) sartu da Gorizian, tartean Bernal liderra zegoela. Etapa hasieran erorketa handi bat izan da, eta, ondorioz, lau txirrindularik lasterketa utzi behar izan dute, tartean Emanuel Buchmann (BOra) alemaniarrak, gaur arte sailkapen nagusiko seigarren postuan zegoena, 2:36ra. Harekin batera, Natnael Berhane (Cofidis) eritrearrak, Jos Van Emden (Jumbo-Visma) herbeheretarrak eta Ruben Guerreiro (Education First) portugaldarrak ere hartu dute etxerako bidea.
Lasterketak etapa nagusiarekin jarraituko du astelehenean, hamaseigarrenarekin. Txirrindulariak Dolomitetan barrena ibiliko dira, eta 5.500 metroko desnibela izango duen ibilbideari egin beharko diote aurre, Sacile eta Cortina d'Ampezzo bitartean, 212 kilometroko ibilbidean.
Eguna gogorra izango da hasieratik bertatik, La Crosettako igoera luzearekin. Ondoren, Passo Fedaia, Giau eta Passo Pordoi izango dituzte zain. Etapa maldan behera amaituko da Cortinara iritsi arte.
Etapako sailkapena:
1 - CAMPENAERTS Victor (Team Qhubeka ASSOS) 3:25:25
2 - RIESEBEEK Oscar (Alpecin-Fenix) d.b.
3 - ARNDT Nikias (Team DSM) + 0:07
4 - CONSONNI Simone (Cofidis, Solutions Crédits) d.b.
5 - HERMANS Quinten (Intermarché - Wanty - Gobert Matériaux) d.b.
6 - CATALDO Dario (Movistar Team) d.b.
7 - MOLLEMA Bauke (Trek - Segafredo) + 0:09
8 - TORRES Albert (Movistar Team) + 0:44
9 - MOLANO Juan Sebastián (UAE-Team Emirates) + 1:02
10 - WALSCHEID Max (Team Qhubeka ASSOS) d.b.
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.